لأصحاب الخبره فقط ….. و إللي ما عنده خبر مسموووووووح و بالحل
نحن دوووم متمركزين في ميونخ و زيلامسي…. من نوصلهن ما رمنا نفارقهن
ها المره نبا نغير شوي و نزور سالزبورغو سفرتنا تراها آخر 7 لين 15 /8 و أبغي احجز ,,,, ماشي وقت لين هناك
* أهم شي يكون في السنتر ( يعني كل شي حولي) تراني ما أداني أتغلق وايد
* و نظيف و آمن ….و عداله حدايق و إلا شي نقصر الدوب فيه و أهم شي المطاعم تراه كله و لا لبطون خخخ
* و بليز لي تحط لي اسم الفندق تكتبه صح علشان أدور عنه و أشوف غرفه و أسعاره و المكان على قوقل
و السمووووووووحه على العبوله
نحن السنة الماضية يوم سافرنا للنمسا
وبالذات سالزبورغ
يلسنا في فندق موزارت
وكان جريب من السنتر .. مب بعيد
xxx
وبتستفيدين واااايد من الموقع
فيه حديقة حلوة وايد تحت صوب المطعم وين الريوق .. يعني تتريقون و انتو مطلين على الحديقة .. منظر حلو ماشاء الله ..
و هو قريب من السنتر .. اصلا سالزبورغ صغيره ما يبالها سنتر و اطراف .. تمشين شوي تقريبا جي مال 5 دقايق و توصلين النهر .. و هني الحياة تكون … المطاعم و الاسواق و المتاحف و الحدايق ..
على فكره سالزبورغ مافيها ميترو .. فيها باصات ..
و بالنسبة للفندق ترا مافيه وايرليس انترنت .. بس بالواير و تدفعين يعني .. شوي غالي .. بس عندهم تحت في اللوبي كم كمبيوتر حاطينه حق الي يبا يجيك شي على السريع ..
و شي فندق ثاني بعد هذا بعد فخم و حلو و امرره مجابل النهر اسمه (ساخر) sacher hotel … شوفي هالاثنين كلهم حلوين بس طبعا الثاني مب مجربتنه بس هو من الفنادق السوبر فخمه اتوقعه اكثر عن 5 نجوم حتى ..
و رحلة موفقه ……. بلغي سالزبورغ سلامي ^_^
we stayed in((((( bristol hotel )))its in the centre near mozart house w behind it a very nice park
bas bagoolch 3an mkaan el3shaa feeeeh arwaa3 3an el raw3a et5abray el hotel awal mato9len 3an DINNER CONCERT FOR MOZART