اليوم مسوديه وصفه يديده وسهله للبسكوت ناعم أو الكعك. تقدرون تحطون عليه سكر ناعم أو بدون أو أي إضافات.
يلا نبدأ بالمقادير
@ كوبين ونص طحين رقم واحد
@ كوب سمن الأصيل. أو أي سمن تحبون. مذوب
@ ملعقتين كبار سمسم
@ ربع ملعقه صغيره ملح
@ ملعقه صغيره هيل ناعم
@ نص ملعقه صغيره قرفه مطحونه
@ ثلث كوب زبادي
@ ملعقه ونص صغيره بيكنباودر
ألطريقه
@ في وعاء الخلاط ضعي الدقيق، الملح، الهيل، القرفة، السمسم، البيكنج باودر، السمن والزبادي، ثبتي مضرب التقليب. شغلي على سرعة متوسطة إلى أن تتكون لديك عجينة ناعمة ومتماسكة. أو أعجني بايدج
@ نخليها ترتاح 10 دقائق
@ على قطعة من ورق الزبدة حطي ثلث كمية العجينة. ضعي قطعة ثانية من ورق الزبدة على العجينة ومدي العجينة باستعمال النشابة
( حطينا ورق الزبدة فوق وتحت العجينة علشان تقدين تفردينها وأنا حطيت ورق بلاسكيت لانه ما كان عندي ورق زبده )
@ نقطع على حسب ما تبون انا سويت دوائر. وتقدرون تقطعونه بالقطاعات الأشكال
نحطه بصينيه الفرن. ونثقب البسكويت بالشوكة علشان عقب لو نثرنا السكر الناعم يمسك فيه
@ نسخن الفرن 180. فوق تحت ونخلي يحمر يستوي لونه ذهبي
@ وأخيرا نطلعه من الفرن وهو حار ننثر عليه السكر الناعم. ونخليه يبرد. من يبرد ننثر عليه سكر مره ثانيه.
( تقدرين تقدمونه بدون سكر أو أي تغطيه تحبونها )
وبالعافيه عليكم
وصفته سهله وشكله لذيذ
تسلم ايدج خيتوه
شكله لذيييذ
تسلم الأياادي ؛)
تسلم ايدج عالوصفه السهله
" أسأل ربي الذي قال وقوله الحق:
{ ادعوني أستجب لكم }
أن ينظر إليكم نظرة رضا لايعقبها سخط أبدا ويلبسكم ثياب العافية لاينزعها عنكم مددا آمين "
الصراحة حلو وايد وخفيف
وأم الأطفال ها كيك البرتقال سويت ويا البسكويت
لا خليت ولا عدمت طلتكن حبيباتي
لا عدمتكن