اليوم افخاطري وايد و امعصبة..
اسالفة حركة صارت في احد مطاعم الدولة المعروفة و نحنا كوستمرز عندهم من سنين ومعروفين بخدمتهم الي مايعلى عليها و اكلهم الاحلى…فالي صار سرنا انا و بنت خالتي المطعم..و طلبنا اكل و بعدين كيكة الشكولاته .كيكة الشوكليت فوندونت المحشوة بالشكولاته .المهم وصلت كيكتي و يا الجرسون و اعتذر من بنت خالتي و قالها كيكتج اتعرضت لحادث و طاحت تبغين تطلبين كيكة ثانية والا اتغيرين الطلب..قالتلهم لا ماعليه بتريا الكيكة ماعندي اي مشكله.
3 دقايق والا يايبين كيكة هيه والصحن واحد و حواليها الشكولاته الذايبه و الجرسون ايقول هاي كيكة ثانية (اسمعو الجذب معنه الكيكة هاي يبالها على الاقل 20 دقيقة لين ماتستوي) بس الشيف مر عليها بصحن حار فنزلت و ساحت…طلبنا المدير جان ايقولنا الكيكة اصلا جذي تتاكل مهروسة؟؟!!!
فبكل بساطة طلعنا من المطعم و اتواصلنا ويا الادارة و خبرناهم عن تجربتنا و ماقصروا فينا اتصلو يعتذرون و وصلنا كوبون عزيمه ببلاش!
والموقف الثاني فريش..محل عبي معروف امسوي تنزيلات 50 بالميه على العبي…رحتله انا و بنات خالتي و اختي انشوف العبي…اخترت عباه السعر الجديم محطوط عليها و وبعد سعر الديسكاونت..شليت العباه للبياعة من جالية عربيه؟!! الله يستر علينا بس
قلتلها ابغي العباه..قالت لي ماتنباع!!!!!!!
كيف ماتنباع …جان اتقولي تبينها لازم تفصيل و سعرها بيكون جذي؟
قلتلها بس السعر مكتوب كيف السعر صار اعلى؟
قالتي والله ماظن انه 50 دهم يعني بتفرق وايد وياج!!!!!!!
قلتلها لا حبيبتي بتفرق وايد و عباتج ما اباها و طلعت من المحل!
و بنات خالتي و اختي في المحل ..وسوت فيهم نفس الحركه!!!
قلت لا هذي مافيها غير اتصل بحماية المستهلك؟ واتصلت ووعدوني بيردون علي ايشوفون شو موضوع هالمحل!!!
فنصيحة خواتي ارمسوا اشتكوا و اتصلو و لاتستكتون عنهم ترى وايد مصخوها!!!!
احنا مره كنا ف كوفي
وطلبنا بعد كيكه
ويت الفاتوره ١٠٠ وشي ٤٠ انا بطلت عيني كيف كيكه وبهالسعر واحنا دوم نروح لهالكوفي ومايكون سعرها جي
المهم ردينا عليهم الفاتوره وقلنا لهم مش طلبيتنا لوول
يابو لنا فاتوره ثانيه وطلعت ب شي و٨٠
يعني فرق فالسعر وااايد !!
فانا نصيحتي كل وحده تطلب تراجع الفاتوره قبل لانهم يزيدون اشيا بسيطه علشان يزيد السعر !
المشاركة الأصلية كتبت بواسطة mrs.ad 
احنا مره كنا ف كوفي
وطلبنا بعد كيكه
ويت الفاتوره ١٠٠ وشي ٤٠ انا بطلت عيني كيف كيكه وبهالسعر واحنا دوم نروح لهالكوفي ومايكون سعرها جي
المهم ردينا عليهم الفاتوره وقلنا لهم مش طلبيتنا لوول
يابو لنا فاتوره ثانيه وطلعت ب شي و٨٠
يعني فرق فالسعر وااايد !!
فانا نصيحتي كل وحده تطلب تراجع الفاتوره قبل لانهم يزيدون اشيا بسيطه علشان يزيد السعر !
صح وانا بعد دايما اسوي هالحركة اشوف الفاتورة و اجيك عليها …قبل مادفع!
بس تبين الصراحه هذا احسن حل انسويه