من كم يوم كنت قاعده اتكلم عن الخدمات ومكاتب الخدمات ..
بشكارتنا حظرتها طلعت سارقه مفتاح البيت ( السبير ) واحن ندور عليه ..
كيف كشفناها ..
عندنا خدامتين .. واحده منهم زينه وثانيه شينه حتى شكلها الستغفر الله العظيم بس على طول كسلانه وتبي ترقد ول حد يامرها على شي تسويه واهي معصبه ..
المهم زينه قالت لشينه ترى انا بخبر عليج على كل الي تسويه .. الشينه قالت لا قبل لا تخبري علي انتي انا بخبر عليج ..
ويت حظرتها الشينه وخبرت اختي .. قالت لها انا بخبركم شي واريدكم تسامحوني وانا مره ثانيه ما بكرر هذاج الشي .. قالت اختي قولي
قالت انا كنت قبل اطلع الصبح واروح عند بشكارة قوم يرنا واقعد معاها اسولف معاها بس .. والتمشى انا وهيه عالشارع العام .. وكنت اطلع بس الصبح .. والبشكاره الثانيه كانت بتخبر علي وقبل لا تخبر علي انا العترف احسن
قالت اختي وليش تطلعين وكيف ومتى .. بعدين اختيه قالت لها خلاص سيري مره ثانيه ما تطلعين .. واختيه خبرت امي وسارت امي نادت البشكاره زينه وقالت لها تعالي ووين ربيعتج تسير .. قالت ماما البشكاره ( الشينه ) كانت تطلع الصبح قبل لا توعون من الرقاد .. وتطلع فليل يوم يكون وقت رقادنا وترد فليل .. امي قالت لها اكيد انتي الي تفتحين لها الباب .. قالت لها ماما هذي البشكاره الشينه معاها مفتاح البيت ..
المهم امي تذكرت انا كان عندنا مفتاح وضياع وما احد غيرها شل المفتاح .. المهم امي عصبت .. لانه البشكاره الشينه طباخه واكلها حلو .. وغير جذيه رمضان ياي .. وكنا تاكلين عليها على الفطاير والمقبلات والحلويات .. احينه طبعا .. وغير جذيه اهي طلعت وصخه .. يعني يوم تطلع وترد وتروح الله واعلم شو تسوي .. بصراحه خفنا على نفسنا ومن الاكل الي كانت تاكلنا ايااه .. لا وبعد كانت في النهار على طول رقاده من سال عنها نلاقيها نايمه ولو ناديها تكون عيونها منتفخه كلها رقاد اثاري سهاري الحلوه طول الليل
المهم امي نادت البشكاره الشينه وقالت لها جذيه جذيه قالت هيه ماما وانا خلاص مره ثانيه ما بسويها .. امي قالت اوكي روحي سماح ..
بس امي كانت تبى تسكتها علشان لو قالت لها بسفرج يمكن تشرد او تسوي شي .. المهم اهي امي الحينه بتسفرها وطبعا صاحب المكتب خرطي يقول بسفر ولا يسفر .. قالت امي بوديها وبشرط على صاحب المكتب تسفرها على حسابها وتيب بشكاره غيرها لانها من 4 شهور بس معانا .. ولا اوديها الشرطه ..
بنات احذرو من الخدامات تراهن يطلعن الصبح واحنا رقود ولا ندري عن شي .. وساعات ايبون اصدقائهم البيت .. واحنا يا غافلكم الله ..
قهر بعدها ما كملت 5 شهور ..
الله يعينكم
اختي سفروها افضل ولا تبلون غيركم فيها ترى المكاتب ما يهمها غير الماده…….
يستغلن رجده اهالي البيت الصبح ويطلعن ربي لاردهن هن وبلاويهن السودا ………..
بشكارتنا القبليه اكتشفنا انها تطلع الصبح وماندري وين تروح وسفرناها …….
سفروها اختى هاي راعيه مشاكل من اولها جيه بعدين شوبتسوي ……..
احذرن الغاليات فترة الصبح لانهن يعرفن انكم رجود واجازات تراهن مب سهلات ….