تعرفون اني الحمد الله ملجت وانا كنت محسبه ان هلي بعد ما املج بينطموووووووووون
لقيت لا شرات ماهم
اخواني وحليلهم بس ابوووووي اللي ماعرف شو فيه علي كله من حرمته الثانيه
ابوي مب واثق بزوجي ابدا وماعرف كيف يعامله يوم ملجنا الا اصر ابوي انه يشوف الشبكه وصلا ابوي ما يعرف في الشبكه وهالسوالف بس يوم حرمته قالت لازم يكون زهب اصفر ابوي قال لازم ذهب اصفر وزوجي وحليله كان مفهمني انه جايب ذهب ابيض خبرت ابوي لقيت ابوي قال لا اصفر ولازم يجيب الشبكه نشوفها بعينا واذا ما طلعت بمقامج خليه يرجعها ويجيب وحده فخمه تليق بمقامج عسب ما حد يرمس وزوجيس وحليله جاب وما قصر ويوم ابوي وحرمته درو انه ذهب ابيض قام ابوي قالي ذهب ابيض شو تبين الناس يقولون قامت حرمته قالت الناس بيقولو يمكن ملبسها فالصو وبياكلو وجهنا قمتت قلتلهم شو ياكلو وجهكم الذهب الابيض الحين هو اللي دارج قامت حرمته قالت لي لا الذهب الاصفر زين عسب عقب لما تبيعيعه قلتلهم ومن المجنونه اللي تبيع شبكتها وانا مافكر بالبيع المهم حشرونا وزوجي ماكان يباني اشوف الشبكه الا يوم الحفله تكون مفاجاه لي لما شفت ابوي وحرمته جي عليه وابوي شوي بيرقعه اذا ماجاب الشبكه وغيرها قتله ارجوك طرش لي صورة الشبكه قالي ماباج تشوفينها قتلها ماعليه بس عشان اسكتهم ماباهم يظلموك قام طرشلي صورة الشبكه وطرشها لخوي العود عسب اهلي كلهم يشوفوها يوم ابوي شافها صخ لقاها مخلط ذهب ابيض على اصفر وامي وحرمته كانو قاعدين تخيلو شو سوى بدل لا يراوي امي الصوره سيده عق مبايلي صوب حرمته وقالي خلها تشوووووووووف وقالها شوووووفي قمت انا قتلها انزين براويها لا اله الا الله وامي اللي هي ولية امري ماسوالها سالفه بس انا راويتها هي اول وحده يوم كانت بغرفتي المهم خلصنا من قظية الشبكه على خير وراحو يحجزون صاله للحفله مرت ابوي الا تبا تسوي حفله وابوي على خطاها طبعن هالشي لازوم العروس اللي تختاره تخيلو اني ما اخترت شي مرت ابوي كنها هي العروس قامت اختارت الصاله والكوشه وكل شي وانا ما ادري اللهم عقب ما سوو كل شي خذوني بس اشوف صج انقهرت الكووووشه وايد فخمه منه عرس ولون الكوشه مب لون فستاني لونها عنابي ولون فستاني ذهبي وانا كان خاطري اكون مطقمع مع الكوشه وكل شي كنت ابا اقول لبوي ليش ما خليتني انا اختار بس عارفه انه بيزعل بيقولي كل هذا ومب عاجبج المهم انا سكت جا دور الكيكه مرت ابوي قالت نبا كيكه 7 ادوار انا فقزة عيني الريال مال القاعه قالها بس هذا مب عرس قمت انا الصراحه ما سكت قلت هاي زودتها قتله هات كيكه 3 ادوار هي بس اللي هاممها قدام الناس اوكي بس مب جي صارت هي العروس مب انا ويوم الحفله بتخبر الناس كلها ان كل شي هي اللي سوته عسب تكصر خاطرهم مع ان محد ظربها عيدها وقالها تسوي شي المهم جا الموعد ومن اللي لازم يعزم عالناس امي صح ؟؟؟؟ تخيلو هي اللي راحت تعزم عالناس والمصيبه ان ابوي واختي واقفين جمبها وراحت دقت عقوم الله كلهم تعزم عليهم وامي وحليها ماكان عندها ارقام احد حاولت انا اطلع لها شوي ارقام جيران من عندي وخليتها ادق بس هذيج قامت دقت عقبيلتنا كلها بيوم وااااااحد ماخلت احد كن امي اعوذ بالله ماتت تبا تمحيها من الوجود وهي عايشه المهم اخوي اللي اكير عني شوي ما سكت دق عاختي العوده اللي واقفه بصف مرت ابوي ولا كان عندها ام دق عليها وهزبهاقالها ليش هذيك ادق امي مشا الله عايشه ليش هي ادق قامت اختي قالت له لن امي ماتعرف ترمس قالها حتى لو ماتعرف ترمس انتي عزمي الناس انتي اختها شرات امها قالت اختي لا مب حلوه انا اعزم لازم هي المهم اخووووووي هزبها وايد وسكر قامت دقت عامي وهزبتها وتقول علي انا زفته كاني عدوتها مب اختها تعرفووووووون اختي كنها مب اختي والله بعيييييييييييييييييييييييييييييييييييييده عني حتى ما زهبتني ولا ساعدتني ولا سوت شي ولا نصحتني ولا اهتمت فيني ولا شي اللهم راحت اشترت لها فستان وخلاص وحليلها زوجت اخوي ما كنت متوقعه انها توقف وياي جي ومع ان عندها بنت ياهل دارت وياي الاسواق كلها ومرت ابوي بعد
كان خاطري والله انها تكون وياي شرات امي يوم افظفظ افظفظ لها هي تفرحلي تساعدني توقف جمبي بس ما لقيتها بحياتي كلها جمبي 24 مع زوجة ابوي وبس مع اني احبها بس هي ما تحبني ويوم ترمس عنس كاني عدوتها قلبي يعورني حاولت اقرب منها وعاتبها وحسسها اني محتاجتها بس اعوذ بالله قلبها حجر الله يسامحها مستحيل الحين ابين لها احتياجي لها والله لا يحوجني لها
المهم مره جا زوجي يتغدى عندنا يبا يشوفني وقالي ابا اذوق طباخج ومره قبل هو جا وانا ما سويت شي واختي ومرت اخوي يوم شافوني بغرفتي قالولي حسبناج انتي اول وحده بالمطبخ
الهم يوم هو طلب مني قلت بسوي اتخيلوو شو صار
مرت ابوي قومت القيامه بالبيت وزعلت اني بسويله غدى الا هي اللي تسوي لازم ياكل من اكلها وبالصدفه سمعتها تقول للخدامه دامها هي بتسوي انا ما بسوي شي قامت الخدامة قالت لها هي بتسوي لزوجها انتي سوي لبابا وباقي البيت زعلت وقعدت تتمصخر علي وتقول بنشوف كيف تخبص بالاكل تعيب علي وسارت عند ابووووووووي وسوت سالفه
المهم انا زوجي قالي طنشي طنشت يوم وصل ابوي طلع من البيت لما كا ن هو برع كل هذا عشابن بياكل من اكلي مب من اكل زوجها قم انا دقيت عابوي قت له شو هالحؤكات ادخل الرجال انا يعني قام ابوي تحجج باشيا تافهه وسكر بوجهي وجا البيت دق علي الباب وصارخ قال دامج عارفه انه جاي ليش ما رتبتي المجلس والمجلس الخدامه دوووووووم ترتبه بس عشا انا سويت الغدى خلااااااااااااااااااص الا زعل السنيوره حرمته ترى كلامها مب كلامه عقب قلتله انا اشدراني والمفتاح كب عندي قهرني ابووووووووي والله
المهم زوجي دخل وجا وقت الغدى وزوجي قعد يطالعني يباني اسير اجيب اكلي يوم سرت اجيبه ابوي قاله خل اكل حرمتك حق العصر الحين كل من هذا قام زوجي سكت يوم دشيت ويبت اكلي زوجي استانس وظل ياكل من اكلي وقالي طباخج يجنن ابوي يوم شافه ياكل من اكلي بس ومالمس اكل حرمته قاله انصف ولا بزعل كل من هني وهناك وتخيلو ابوووووووي اللي هو ابوووووووووووي والله انه ما يلمس اكلي ابدا والله ولا يذوقه حتى بس ياكل من يد زوجته وما يبا زوجي ياكل من يدي عسب سنيورته زعلانه عقب زوجي طنش وكمل صحنه من اكلي وقام وابوي كان شوي بيحترق منه المهم ماعرف ابوي اشفيه عزوجي مب واثق فيه ولما اخذ خلاصة القيد وجوازي منه عسب يقدم في صندوق الزواج توه كان ماخذه امس قام ابوي قال خله يجيبهميوم الحفله يعني عقب يوم وكان وهو يرمسني كني مب بنته عدوته انا تحملت وقتله ما يصير يباله وقت وهو حافظهم عنده وكيف يجي يعطيك اياهم قدام الناس ما يصصير يابوي قالي لا يصيييييييير ماعرف اشفيه عليه والله هالاشيا يبالها وقت لين ما يقدم ويقعدو ياجلو عكيفهم مب بسرعه بسرعه
وزوجي والله انه يحب ابوووووووي وامي واااااااااااااااااااااااااااااااااااااااايد بس ما يدري ان ابوي جي يعامله حتى هو مرات يقولي ابوج ليش مب واثق فيني ليش جي يعاملني
شو رايكم باللي يصير وياي شو اسوي كل وحده وقت ملجتها تتفنن بالاكل لزوجها وانا ابوي وحرمته ما يبوني اسوي شي مع ان ابوي قبل يوكم كان يشوفني ارقد وايد كان يقولي عقب من بيسوي لزوجج اكل في بيتكم بظلين نايمه قومي تعلمي والحين يوم جيت اسوي وزعلت السنيوره حرمته ما عجبه
قولولي شارايكم بكل هذا
شي يحير صح
واللي تقهر اكثر مرت ابوج
لي رجعه للموضوع
الذهبي وعنابي واااااايد حلوو
وماعليج ترا بتعرسين وبتفتكين من مرت ابوج
ليش مكبرة سالفه وااااايد وعن الطباخ اطبخي يووم بتطلعين من بيتكم وماعليج من مرت ابوج طااااااف
والطاولات الحريم كلها عنابي لازم بعد يكون في تناسق شوي لن باقتي انا ورديه يعني لو كانت الكوشه ورديه كان اوكي
وحبيبتي الطباخ لازم بعد اطبخ وقت الملجه عسب اتعودر واتفننن اني اتعلم اطبخ اشيا وايده له
بس والله ما يصير جي والله مب اني مكبره السالفه هي كبيره لحالها والله اذا حسيتي انتي فيها بتشوفيها كبيره
وابوج مايقدر يقول شي احينه عشان انتي بذمة ريال دوم سويلهاااا طاف حتى ابوج يبوم بيتكلم اسمعي بس لاتسوين شي انتي اتشوفينه غلط بس قوليله انشاء الله واسكتي يقول يبي الجنسيه قولي اوكي انشاء الله ولاتزعل خلصي امورج بعدين اعطيه يعني خذي اموووور بسهوووله
ومرت ابوج اذا حابه اتسوي اكل قوليلهاااا سوي بس ريلي ماياكل هالشي ولا بنروح نتغدى برع وانتي اتفقي مع ريلج ع هالشي انج تعزمينه برع او اتسويله فطاير شي خفيف وعن العرس وانج تتزهبين اطعلي مع ريلج اتزهبي خليه هو يختار القاعه وكل شي بسرعه وهو يقول انا كل شي اخترت ولزم يكون لج شخصيه وتكلمي مع اخوج خله هو بعد يوقف وياج
ربي يسر لج امورج حبيبتي