الشوكولاته
وعشق الشوكلاته
بأنواعها البيضا والبنية والسودا
بجميع حشواتها (( لذيذة))
ويحبها الصغار والكبار وماعندهم اي مقاومة اتجاها
سواء نشتريها بأرخص الانواع او بأغلاها
يمتعنا شكلها وطعمها
البعض منا يحبها ذايبه والبعض يحبها جافه وكثير منا يحبها منكهه ومحشوه
(( شكل الشوكلاته))
مهم وايد لجذب الشخص الها قبل المذاق احيانا
وبصفتي احب شغلي وايد (( الفن التشكيلي)) واحب ادخله في كل اموري
في البيت في المرسم في الطبخ في الكتابة وغيره كثير من المهارات
حبيت اعلمكم طريقة تلوين الشوكلاته البيضا وتشكيلها بأسهل الطرق
بس قبل لا ابدأ
مهم وايد انكم تعرفون ان مب شرط تكون عندكم نفس اغراضي وبشرحلكم شو اقصد
نبدأ
مكونات فن الشوكلاته
اي نوع من الشوكلاته البيضا وانا افضل الميلك بار لانه بالحليب واليهال يحبونه
الوان الطعام وفرشاة
قالب صب الشوكلاته (( وهذا اللي كنت اقصدة)) ممكن تستعينون بقوالب الثلج وخاصه ان الحين في وايد اشكال وانواع
url=https://uaewomen.net/upload//uploads/images/uaewomen-fbf8e3ca60.jpg]
[/url]
انواع من كريمة السكروالاشكال الجاهزة وهذا اختياري(( اسفه ما صورته))
وطبعا ماي حار لتذويب الشوكلاته
الحين الطريقة
انييب الشوكلاته وانسويلها حمام مائي
ولين ما تذوب الشوكلاته انييب القالب ونبدأ نلونه من داخل بالألوان اللي نباها
[بعدين نصب الشوكلاته السايحة في القالب وندخلها الفريزر لمدة 10 دقايق وبس
واول ما تظهرينه بيكون ملون وماخذ شكل القالب واسفه جدا نسيت اصورلكم هاي النقطة
وبتبدين تشكلين وتبدعين وهاذي النتيجة
اتمنى تكون الطريقة سهلة وعيبتكم
لا تنسون تدعولي بظهر الغيب لي ولزوجي وعيالي بحسن الخاتمة
والستر والرحمة
ياريت اللي تقدر تصغرلي الصور وتخليهم بحجم طبيعي لاني من 3 ايام وانا احاول اعدل فيهم وما قدرت
اشكر الخوات اللي ساعدوني في اعادة تحميل وتصغير الصور
بحاول اصغر لج الصور واطرشها
الحين
تسلمين اختي وكثري من هالمواضيغ 
مشكوره عزيزتي ^_^