مرحبــا كروشـات وأمهـات ،،،
بغيت معلومات منكم بخصوص الاحتفالات عقب ولادة النونو ،، ربي يسهل على كل وحده حامل ويرزق كل محرومه يارب،،،
مجرد تساؤلات ،، وياليت يفيدونا البنات بخبراتهم وتجاربكم الخاصة،،، وفرصه نتعلم عادات وتقاليد بعض ،، خص أنه كل منطقة وقبيلة لهم عاداتهم الخاصة في هالأمور،،،
العقيـقـة :
تكون فاليوم السابع أو ع حسب ،، بس كيف تسوونها ؟ هل تسوون عزيمة من الذبيحة وياكلونها الأهل أو توزعون اللحم ؟
ومتى تسوونها عقب الاربعين ولا فاليوم السابع ؟
ومكان العزيمة هل في بيتج أو بيت أهلج أو أهل ريلج ؟
حلفة الطلوع
اللي هي تسوونها عقب ما تخلص الحرمه الأربعين ،، هل في شي محدد بهالحفل ؟ وهل تزهبون فيها شي ؟
حفلة النثور
هذي يسوونها للياهل يوم يمشي ، وينثرون عليه حلاوة وبيزات ،، هل تسوونها ؟ ولا ما تهتمون لها ؟ وشوه الأشياء اللي
تسوونها فيه ،، هل في تسلسل معين؟
يوم ميلاد النونو
اللي هو يوم يكمل سنة ،، هل تحتفلين بهاليوم فالبيت ولا تحجزين قاعة ؟ وشوه ترتيباتكم لهالحفل.؟ أو يمكن ما تحتفلون ؟
أخرى
هل في احتفالات ثانية مثل BaBy Shower أو من هالقبيل ؟ وشوه تسوون فيهن؟
ومشكورين ع مروركم الطيب 
واحيانا نسوي يوم ميلاد " يوم يكمل الطفل سنه "
وبس هذا اللي نسويه . .
والله يبارك لج في طفلج
وعقب الاربعينً نوزعً كيكً ولاً حلوياتً بسًً بشكلً مرتبً
وحفلة النثورً انسويهً يومً الياهلً بيظهرنً ضروسهً
والحفلهً يومً يكملً السنهً يافالبيتً ولاًفيًً قاعهً
ذبحنا ذبيحة وحدة
ما اذكر شو سوا ريلي فيهااا
بس اظن شوي عطا منها اهله
وشوي اهلي…
ويمكن الباجي وزعوه عالفقرا …
ما اذكـــر…
المهم انه الوآحد يآكل من اللحم…
"ويجب أن تأكل منها لأنك مأمور بالأكل منها . قال الله تعالى : " فَكُلُوا مِنْهَا وَأَطْعِمُوا الْبَائِسَ الْفَقِيرَ" [ الحج : 28 ]"
ويوم مشت بنوتي
نثرنا عليها حلاوة
وبــس
^^