شحالكم خواتي ..!! عساكم بخيـر .~
اممم بغيت اتخبركم عن درجة الايلتس
يعني من كم النجاح ..!! << خاصة في كليات التقنية العليا
اللي تعرف تفيديني .. ويزاها ربي كل الخيـر =) \ وماقصرتوا !!
يعني مثلا انا امتحنت ويبت 5 << هل النجاح من 5 يعني انا ناجحة ولا لازم اييب
فوق ال5 !!!!!!!!!!!
ارجوا مساعدتكم
على حسب المكان اللي تبين تقدمين فيه كم يبوووون
فـ كلية التقنيـا وجامعة زايــد يطلبون 5 عشان تعدلين اللفلات [ الفاونديشن ]
يعني حاولي تيبين 5 وفوق
اللـــه يوفقج دوووم حبوبـــة
اللــي عرفــه إن 5 و فــــوق نجاح..
(=
بس اللي متاكدة اكثر ترد علي
واللي هي تدرس ف الكلية نفسها
ابا اكون متاكدة …
شوفي درجه الايلس تعتمد على التخصص
و بعد تعتمد على انج بتكونين دبلوم و لا دبلوم عالي و لا باجلر
يعني انا هالسنه يوم خلصت فاونديشن طلبوا مني 5
و انا بدرس ايديوكيشن " باجلر "
و خذنت الاكاديمك
اما اختي لانها كانت تدرس بزنس " دبلوم "
طلبوا منهم 4.5
و جنرال الايلس
يعني على حسب
انتي شوفي التخصص اللي بتدرسينه
و اسالي كم المطلووب
بس الحين اغلبيه التخصصات باجلر
يعني تبغي 5 و فوووووق
و انا في الخدمه حبوووووبه
و السموحه على الاطاله
بس ساعات اتيبين 5 و مايقبلونج لسبب واحد و هو انج اتيبين في شي واحد 3
يعني لازم في كل شي اتيبين فوق الـ 5 عشان تنجحين
انا اعرف وحده سوته اول مره يابت 5 بس ما نجحت لان في الـ reading يابت 3.5
و المره الثانيه بعد يابت 5 و نجحت
فـ شدي حيلج و ان شالله اتيبنهم كلهم فوق الـ 5 و تنجحين
وخاصة اني اول سنة بدش الفاونديشن ومتخرجة من الثانوية العامة وبدش ان شاء الله
باجلر طب اشعة ..