شو أخباركم خواتي؟؟ ان شاء الله بأحسن حال..؟!
بلز بلز بلز لو سمحتوا فديتكم…
لو ما عليكم كلافه،،، بغيت احلى واكشخ وارقى الفنادق ايلي في الكويت في السالميه
وبعد بغيت الاماكن الحلوه لللتسوق السناتر والاسواق الشعبيه وغيرها.. والترفيهيه…
بلز ردوا عليه باسرع وقت تقدرون عليه..
يزاكم الله الف خير..
ودمتوا سالمين..
هالسووق الشعبي وكل شي فيه ..
سوق الخضره واللحم والسمج .. وبتلاقين هناك الحلويات الكويتيه والاجارات وهالسواالف
هو سوق حلوو لمحبيييييي الاماااكن الجدييمه ..
وبالنسبه للفنادق
عندج السالميه فيها شقق حلووه وتقريبا اغلب المراكز متقاااربه وتفتريين فييييهم مشي يعني حذال بعض ..
وفي هالشااارع مال المرراااكز فيه مطعم اسمه فريض صويلح صدق صدق صدق روووووووووووووووووعه وهو متخصص بالاكلات الكووويتيه مثل مطبق الزبيدي وو المموش …الخ رووعه انصحج فيييه <<< يمييييييي جان اشتهييييي
وعندج سوق شررق اللي على البحرررر ..
وماشاء الله الكويت كلها مطاااعم ويلسااات .. ^_^
وووبالتووووفيق الغاليه وان شاء الله تستااانسيين ..
========
مرحبا,,,
تسلمين فديتج على الرد ما قصرتي حبوبه…
ما قصرتي والله كلج ذوق…
بس انا ابغي فنادق في السالميه مب شقق فندقيه..
لانه بس انا وريلي بنسير..والشقق الفندقيه ممله ولوعة جبد حق 2
عشان جي نبغي فندق…
بس بغيت اسالج مطعم فريج صويلح..وين مكانه بالضبط؟؟ في السالميه!! وين عدال اي سنتر..!؟
تسلمين حبوبخ..واسمحيلي تعبتج ويايع..
ما قصرتي يا حياتي..
========
مشكوره حبوبه على المرور..
ودمتي يالغلا…
اتصدقون وايد زعلت…
محد رد عليه غير 2….؟!
للاسف والله…
انا قلت بدش وبحصل الكل راد عليه..
والكل بيساعدنيه…
للاسف والله…
تسلمون ما قصرتوا..
الغاليه انا بعد ارشحلج مطعم فريج صويلح وايد حلو لأنه مطعم شعبي
يعني من باب التغيير تسيرين له
إلي اتذكره
انه تدخلين المارينا مول مالهم وتطلعين من الباب الخلفي
المطعم في الفريج إلي ورا المول .. مايضيع وايد
وفي عندهم كافيه مطل على المارينا وين جدا اليخوت
هو بيكون فوق مطل على هالمكان
اسمه Chocolate Bar جوكلت بار
هذا لا تفوتييييييييييييييييييينه ابداً
انا سايره الكويت من كمن سنه ولين ألحين اهاذي فيه
هو كافيه عندهم سويتات جوكلت بالهبل
اسكريم على جولكت فوندو على هوت جوكلت إلي تبينه
شي ما ينحصل الصراحه عندنا لين ألحين ماشفت كافيه شراته يقدم سويتات
وحتى في الويكند عندهم بتشوفين زحمه عليه والطاوله بالحجز
وعن الفنادق الصراحه ما اعرف وايد لأنه احيد خذنا شقق فندقيه
بس يمدحون الفندق إلي في المارينا
دشي موقع Booking .com
وسوي سيرج على فنادق الكويت
بيراويج الفنادق من 5 نجوم لين أقل
وحاطلج الأسعار وصور الغرف
وعلى فكره اسعار هالموقع ساعات تكون ارخص من الحجز المباشر
عن طريق موقع الفندق نفسه
وانا مجربه الموقع واضمن لج اياه
وبالتوفيق ان شاء الله