هذي اول مشاركه لي في هذا القسم
حبيت اعرض مشكلة ربيعتي يمكن احصل نصايح منكن لها
المهم…………….
الله يسلمكن،،، قبل سنين واحد حاول ويا ربيعتي يقردنها وبعد محاولات كثيره حبت تعرف شو سالفة الريال وعرفت ان نيته مب شريفه والريال لاعت جبده منها لإنها ما سوت له سالفه…………
ولد عم الريال كان عارف بالسالفه،،،،لكن مب عارف كيف يوصل الشي للبنت،،،،، المهم بطرق معينه وصل للبنت وطبعاً كانو دوم يتفاتنون ويتضاربون…. الاثنين يكرهون بعض
الولد كان انسان طايش، كل يوم داخل جامعه جديده، ما عنده هدف في الحياه، دومه سهران وراعي مشاكل
مرت الايام والسنين،،، قاموا يحترمون بعض اكثر إلين ما تعلق الريال في البنت وغير حياته كلياً عسب رضا البنت……طبعا بعد ما شجعته ربيعتي.. ماشاءالله دخل الجامعه وإلتزم بالمحاضرات وترك ربعه الطايشين واشتغل……….وناوي يخطب ربيعتي
المهم اخت ربيعتي في الجامعه وياه،،،، الولد رمسها وخبرها ان يحب ربيعتي ويبا يخطبها بعد ما يجهز عمره حق الزواج من المهر والزهبه والبيت ……………………
المشكله ان بعد فتره اخت ربيعتي والولد تزاعلوا لأن اختها خبرت ربيعاتها انه يبا يتقدم لإختها ومن بعدها البنات طلعو رمسه عليه واشياء عجيبه عنه وحتى ربيعتي وايد اتأثرت لدرجه انها كانت تصيح وما ترقد
اكتشفت عقب ان الكلام اللي وصلها من البنات واختها عن الولد كله خرط وجذب وان البنات غيورات ومتغايضات ويبون يفرقون ربيعتي عن اللي تحبه
حالياً الريال ناوي يخطب البنت وكان حاط امله ان اختها بتوصلهم لبعض لكن من بعد المشكله اللي صارت بينهم مب عارف كيف يخطبها من ابوها لأن ما شي صلة قرابه او معرفه بين اهل ربيعتي وبين أهل الريال
السؤال: كيف الريال يخبر أهله انه في خاطره وحده يبا يخطبها؟؟؟ وكيف يتقدم للبنت وما شي أي علاقه بين أهل الريال وأهل البنت؟؟؟
المشاركة الأصلية كتبت بواسطة جـــروح 
السؤال: كيف الريال يخبر أهله انه في خاطره وحده يبا يخطبها؟؟؟ وكيف يتقدم للبنت وما شي أي علاقه بين أهل الريال وأهل البنت؟؟؟
وعليكم السلام ورحمه الله وبركااته ….
وعن المشكله اعرف وايدين مروو بنفس الشي والنهايه عرسو 
باكثر من طريقه وكلها مشت الاموور والاهم من هذا كله انه كان توفيق من الله ……
اول شي .. ممكن الريال نفسه يخبر وحده من خواته (( وحده يثق فيها عدل)) وعقبها بفتره اخته اتسوي روحها ربيعت هالبنيه ومنها يتقدموون ع اساس انها ربيعتها ……….
ثاني شي ..ممكن مثلا لو يدل بيت البنيه عدل .. يسوي روحه مضيع في الفريج ويدور بيت حد بس مخربط واكيد بيحصل حد من خوانها برع البيت ويسال عن البيت اللي يدور عليه وعقبها بفتره يلاقي له حجه ……….
او مثلا لو هي تشتغل انه شافها في مكان ويبغي يخطبها ….. ترا استوت صج من غير تخطيط ولا شي ..
وحده من ربيعاتي خالتها تقدم لها واحد لا من قومهم ولا يعرفون شي عنه بس شافها مره في المستشفى كان عندها موعد وخذ اسمها بالكامل وسال عنها وخطبها وعرست ويابت عيال بعد ههههه ماشاء الله ……
والله يوفقهم ان شاء الله
يتصل بأخوها ويقول لهأبا أتلاقى وياك .. ويواعده مكان ويرمسه .. نحن سمعنا عن البنية كل الخير والمسك ريحته توصل للجميع .. بغيت أختك على سنة الله ورسوله .. ومالقيت لي طريق غير إني أتصل بك .. وإنت تفتح لي مجال في بيتكم .. أختك ربيعة الرضيعة ومن كثر الأهل ما امدحوها بغيتها حلالي ..
من عقب رد الأخو بيروم يحدد موقفه .,.
وعقب يرمس هله ..
طبعا الأفضل يصلي ركعتين استخارة قبل لا يبدا ..
وعقب يدعي دعاء تسهيل الأمور: (( ربي لا سهل إلا ما جعلته سهلا وأنت تجعل الحزن إذا شئت سهلا ))
والمعوذات + الاخلاص 3 مرات
آية الكرسي 3 مرات
سورة يس لين فأغشيناهم فهم لا بيصرون 7 مرات
(( اللهم يسر لي أمري واشرح لي صدري واحلل عقدة من لساني يقفهوا قولي )) 7 مرات
والفاتحة
عقب يتصل الأخو ..
ونفس الورد يوم بيرمس أهله ..
وإذا الله جاعلنها من نصيبه بيجمع بينهم على سنته وهديه ..
ترا يا بخت من جمع راسين بالحلال .. والريال لو نيته خبيثة ما فكر يدخل البيوت من أبوابها .. بالبركة والتوفيق يااارب
وايد عرسوا وهم مالهم علاقة في بعض ..
بس سمعة العايله والبنت هيه اللي تجرب الغير ..
خل يتوكل على الله و يقول انه سمعتهم خلته يتجدم ..
والله يوفق اليميع ..
العذوووب :1 (40):
حلولج صدق فن فن ..
الله يحفظج و يكثر من امثالج ^^
والله ان فيكن الخير يا بنات بلادي
المشكله خوات الريال صغار يعني ما شي فايده يرمسهن
بخبرها عن الطرق الثانيه ……………. بس
اخت ربيعتي عارفه كل شي يعني لو شو ما يسوون هي عارفه من الالف الى الياء …. الخوف انها تخبر اهلها ويخترب كل شي أو تخبر أهلها ان هذا الريال ما ينفع
شو رايكم؟؟؟؟…….. ان يوم يعزم يخطب يسير يرمس اخت البنت اللي وياه في الجامعه (هم بس بينهم سلام) ويقولها اترا الوالده بتتصل بج اليوم عسب تخطب لي اختج ويخليها يدام الامر الواقع
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اوكي هاي الطريقه ولا؟؟؟؟
و هو يكلم اهله اذا مو مستعد حاليا المهم يكون عندهم خبر اذا الاهل راضيين انهم يخطبوا بنتهم له و ينتظرووه لغاية ما يخلص جامعة و يتوظف كان بها و اذا ماله نصيب فيها كان الله في عونه
بس في رايي امو رالزواج لا تناقش من الصغار
تناقش مع الكبار عشان ما يصير في مشاكل الله لا قال