بنات بقول لكم معاناتي
انا شعري بطبيعته غليظ غلظ صراحه الكل يقولي ماشاء الله
واسود وطويل صح انه مب ناعم بس مب انه مجعد عادي وسط مب هني المشكله
قبل قصيته لين جتوفي وبعد جم شهر طول ووحده من الاهل يوم شافته في العرس <<< انا اخلي شعري مفتوح في اغلب التساريح قالت لي خيبه مسرع ماطول :"( ماعليه طوفناها
بس صارلي سنه وشي وحاله شعري تعبانه … من هذاج الشعر والغلظ والطول
شو صار الحين تساقط بشكل فظيع حتى صارت لي مساحات في الرااس شعري صار خفيف ومتقصف حتى صرت اكره امشطه
سويت فحوصات للدم وانا من قبل فيني فقر دم بس ماكان جي يتاثر
المهم فقر الدم عندي مب قوي ناقص 0.5 عن المعدل الطبيعي عطاني الدكتور شامبو ولوشن وكريم عشان يوقف التساقط بس شي تحسن خفيف وفوق هذا شي تساقط … خلاص احس اني بتقرع والله غامضني شعري ومن صوب بعدني صغيره حتى 25 مب موصله
بليز بنات اللي عندها وصفات عندها اي شي للشعر تقولي :"((
حتى لو مارد غلظه ع الاقل شعري يكون طبيعي تختفي هالمساحات مابا غير هالشي ويطول شوي لاني رديت اقصه لاتقولن لي صالون وخرابيط مافيني حد يقص علي ويلهفون بيزاتي وماشي نتيجه
بليز عطوني خبراتكم واي شي فادكن
بس يمكن انتي تحتاجين شي اقوى لانه عندج فراغات والله اعلم،،
ارقي عمرج دووم واقرئي البقره والله يشافيج ,,
ريجن
بس يباله صبر 3 شهور عشان يبدا يطلع
وعشان التساقط
عندج انبولات folten
وااااايد اوكي … ومده العلاج بعد 3 شهور
والاثنين ما ينفعن مع بعض
يعني اول ريجن … ويمكن يستمر استخدامه من 6شهور – سنه
وهذا طبيعي … لان الشعر بطبيعته بطيء النمو
وبعد ما توصلين للنتيجه المرجوه
تستعملين فولتين … لانه غذاء و فيتامين للشعر
+ الفيتامينات اليوميه …
وهذا كلام الدكتوره
فانتي روحي احسن لدكتوره … ممتازه ..
وبخصوص الحرمه اللي عينتج…
حبيبتي يوم بتي … زياره …
اكيد بتيكم رمضان ياي …
خذي أثر منها .. يعني الكوب اللي شربت منه .. او الغسول اللي حطت ايديها فيه
واغتسليبه .. واشربي ان قدرتي ..
والطريقه دوري عليها في النت اذا نسيتي … كتبي ( الاغتسال بالاثر)
ويودي الماي هذا و حطيه فغرشه وزيدي عليه …
وتمي عليه فتره لين يرد …. وان شاء الله خير
وحسبي الله عليهن … لان من وراهم شعري حت وصلعت
انا نفس الشي كان شعري طويل ماشاء الله.. والفترة اللي طول فيها كانت سنة تقريبا
المهم عقب قصيته فالبيت عاادي لين تحت جتووفي.. وعقبهاا سنة تقريبا رد طول
لين ركبتي.. وماتم حد ما استغرب!! شو سويت وكيف جي!! >> وانا ماسويت شي والشاهد الله
وكان وحده من قرايبي يوم اتي بيتنا اتشوف شعري وتقول اشقى اتمشطينه! وكيف تغسلينه
>> ياخي شعرج والا شعري انا حرة!!
المهم انا سويتلها طااف.. ماوعيت الا شعري قام يتساقط والكثيف استوا خفيف ومتقصف
ويلوع بالجبد.. وسرت عميته وقصيته مدرج بالصالون.. وماطاع يطول اكثر عن نص الظهر!!!
والحين اعاني منه متقصف.. اقصه ولين يطول ياخذ فترة طويلة ومايوصل اكثر عن نص ظهري!!
جربت وايد اشياء بس ماشي فايده..
ما اقول غير الله يعيناااا… ويرد شعورنا شرات قبل
انا اعالج عند دكتوره احينه .. واشوفه الحمد الله بس يباله صبر ,,
لا تقنطو من رحمة الله
