السلام عليكم خواتي
خواتي ساعدوني بغيت حرمة تحفظني القران وتوصل الين بيتي في المزهر بدبي وبتاخذون اجري على كل سورة احفظها ويجعلها ربي في ميزان حسناتكم
المشكلة حصلت وحده بتحفظني القران في البيت وبتاخذ علي 2000 درهم
انا اول مرة اسمع محفظة قران تاخذ بالالاف وين الاجر
فياريت خواتي تساعدوني في الموضوع ولكم الاجر والحسنات على فعل الخير
فياريت ترفعولي الموضوع وجزاكم الله خير
اقوولج اختي انتي اسمعي السورة من اللاب اولاا من اي موقع وعقب تتدربي بروخج وقعدي خفظيي
اخسن لج والله مليون مرة **
ودعواتج لي
وفي مواقع تساعدج ف الخفظ ادخبي وشووفي الله يسهل امرج يارب
لاااااااا والله حرام عليها جي اقول لج اختي دوري ف قوقل ع قاعه اسمها اقرأ وارتقى وسوي اد حق ايميل المنسقات وكلمي وحده منهن وسجلي وبتجوفي الجدول ماشاء الله كله دروس دينيه ليل ونهار حتى ف الفير اذا ريلج بيظهر وانتي مب وراج شيء
وعندج دورات كل وحده من المشرفات مسويات تقسم يعني وحده متخصصه ف تحفيظ اول اجزاء و وحده ف الوسط و وحده ف اخر 3 اجزاء ووحده ف عم و وحده ف جزء تبارك وعم وجي فهمتي علي بحيث تختار الوقت اللي يناسبج مع اي وحده منهن
انا بالنسبه لي مسجله انا وربيعاتي ف جزء تبارك وعم , مادري احط لج الرابط او ايميل المنسقات اهنيه ولا ممنوع بس انا حبيت اشارك فشيء له اجر فنشره ان شاء الله ومابسوي دعايه والله انا تووني بحفظ ف البدايه شراتكن جي انا وربيعاتي , وحسيت وربي جني ف دار حفظ قران ودروس دينيه ف بيتنا يعني مايباله اروح وايي
يزاهم الله كل خير , واللي ف قاعه بنات بس من جي لازم يحلفونج بالله انج بنت ع المايك وان محد حذالج اذا رايلج او اخوج وجي عشان صوتنا مايظهر لهم لاننا كلنا ف القاعه بنسمع وجي وصوتنا بيكون واضح فهمتي علي
واي معلومات بعد يا هلا , وربي يحفظكن .