كل الشكر لموضوع الاخت
دانة دبي
فيها افكار و فناتك حلووووة الله يحفظها
اللي عندها افكار بسيطة سهلة التطبيق و ما تكلف وما تاخذ وقت طويل تسدحه
غير عن الليالي الروومنسية و الشموع لان الكل يعرفها 
في اشياء بسيطة ممكن نسويها و اثرها كبيير ع نفسية الرجل 
<< يا بو نفسية انته
بعض الافكار اللي اطبقها حاليا وما اتخلى عنها ابدا:
1- لازم اشتري سويت او كيكة او ايسكريم بين فترة و الثانية
و حجمه صغيييير ما يكلفني وايييد و ع قدنا
و اكتب عليه بعض العبارات الخاصة او عبارة مضحكة ( يوم عشوائي مب شرط مناسبة )
2- كلما يطلع اخلي ف (جيبه او شنطته او بوكه او ……) ورقة
و اكتبي فيها سوالف تضحك او سوالف رومنسية
او حتى اوامر او طلبات بطريقتي الخاصة
3- لازم اكتب بالروج بين فترة و الثانية كلمات عادية و انوع ف الالوان ( صباح الخير يا عسل ….. مساء الخير يا كل الخير ……….الخ)
4- وما انسى الاستكرات كل جمن يوم احطهم ف مكان ( حتى ف الثلاجة )
اسدحن الافكار و الفناتك يا بنات 
همسة ،، نبغي افكار و فناتك بس
يا ريت يكون في التزام لقوانين القسم
يا ام النفسيه انتي ههههههه
انا مرة كنت اسوي العشااا وناديته حمود حمووود وهو مباره وفونات من بعيد قالي هاااااااااااا تعرفون ال هااااااااا صح 
قتله تعال شوي
عقب قتله ممكن بوثه ع هالخد عطاني … قتله والخد الثاني وعطاني
قتله بس خلاص هههههههه
رد قعد وقالي ما تبيني ؟؟؟؟ قتله اذا بتساعدني تقشر البصل يزاك الله خير قالي ارمس فون خخخخخخخ
عنا يالله نشوف بعض ساعتين فاليوم وما نجتمع عالاكل بعد
الله يعينا بس
بس صح كلامج الحب والرومانسيه موب بس محصور في غرفة النوم والليالي وما ادري شو
بقولكم ريلي اذا حب يستوي رومانسي اونه يرتب لي السرير ويدخن الحجره
والي يضحك ان مهما حاول يرتبه يتم ملخبط هههههههههه
اممممممم وكرهت الورد من كثر ما اييب لي اياه
اما عني احاول ما اييب هدايا الا بمناسبه عشان يكون لها ذوق
ولانه يحب الورد وايد طرشت له مره عالدوام واستوت سالفه هاك اليوم بين الشباب ههههه
اكتشف ان وايد حريم ما يسوون لرياييلهم سالفه
حتى اذكر ان واحد من ربعه يقوله يا حظك انا لو اقول لحرمتي كوي كندورتي بتاكلني
ربيٰٓ يدديمًٓ هالهمهٰٓ و السعآٰده ٰ ..
عنٰٓ نفسيٰٓ للحينًٓ شوٰٓ بأكلهًٓ و شوٰٓ بيدخلٰٓ بطنهًٓ
المشاركة الأصلية كتبت بواسطة سفيرة دبـي 
ربيٰٓ يدديمًٓ هالهمهٰٓ و السعآٰده ٰ ..
عنٰٓ نفسيٰٓ للحينًٓ شوٰٓ بأكلهًٓ و شوٰٓ بيدخلٰٓ بطنهًٓ
هههههههههههه احسن انج شليتي هاك البارت
والله يديم بينهم المحبه والموده
بعد فكرة إرسال كيكة عيد ميلاد بمناسبة عيد ميلاده للدوام فكرة حلوة….
يبا يرقد يوجد عالمخدة وردة حبة وحدة….تعطرين مخدته بعطرج الي هو يحبه….
ها الي يا على بالي الحينا….