بليز مساعدة بخصوص ابرة منع الحمل 2024.

السلام عليكم ورحمة اللة وبركاتة
انا اخذت بعد النفاس ابرة منع حمل لمدة ثلاث شهور بسبب اخذت تطعيم ضد الحصبة الألمانية انا ماكنت ابغيها بس قالت الدكتورة لازم اخذها المهم خذتها وانا ماعرف مضارها او حسناتها المهم اني قريت معلومات عنها في الانترنت ونفجعت بعد ماقريت عن مضارها قريت انها تسبب تاخير في الحمل وتزيد العصبية وتزيد الوزن بشكل كبير وفي حد اخذها مرة وحده ومايتها الدورة بعدها وحده ماقدرت تحمل خمس سنين من ابرة وحدة وغيرها ثلاث سنين وتزيد الاكتئاب والتوتر تنفخ الجسم وممكن تتأخر الدورة اكثر من تسع شهور والله ضايجه وخايفة من مفعولها انا خذتها مرة من يومين واكيد مابخذها مرة ثانية بس بغيت اعرف اذا احد اخذها منكم وجربها صدق الكلام الي قريتة ابغي تجاربكم من اخذها وشو اثارها طمنوني اللة يجزاكم خير

والله انا اللي اعرفه ان الاضرار كثيره وفعلا مثل ماقلتيها
وتاثر عالحمل مستقبلآ .. يعني بعضهن ياخدونها لو مايبون حمل نهائي بعد جي ،
كان المفروض ماتاخدين اي شي من غير ماتعرفين هو شو وشو منافعه واضراره ، غلطتي فديتج
لكن تفاولو بالخير تجدوه .. لا تركزين وايد ومابيصيرلج الا كل خير ان شاءالله
او لو حابه ردي لدكتوره اللي عطتج الابره وناقشيها بهالموضوع اكيد بتنفعج اكثر

هيه الابره تلعوووووووووووووووووووووووز

اختي خذتها وتمت 3 شهوور ماتييها الدوره
وبعدين نزيييييف كل شهر

وضربتها بس مرتين وخلااص وقفت عنها وقامت تستعمل اللزقه

ليييييش من الاسااااس يعطون هالابر دام لها كل هالاضرار المفروض يمنعونها لان موب كل الحريم مثقفات ويقرن و واعيات حراااام والله

انا ماخذتنها وكذا وحده اعرفهن ما اثرت فينا ابدا حمدلله وخذناها بعد الولاده وكانو يقولون تجنبو الحمل ٣شهور بعدها .. وهذي تنعطا للي تطلع ماعندها مناعه ضد هالمرض خلال تحليلات الحمل ومن جي يقررون يعطون التطعيم

مادري اذا هي نفس الابره اللي اخذتها
بس يمكن نفسها لانه اخذتها يوم سويت فحص الزواج قالت الدكتوره لازم تاخذينها لانه ماعندج مناعه ضد هالحصبه وسألتني متى بنعرس
لانه لازم ما احمل الا عقب ٦ شهور عشان تسبب تشوهات للجنين لو حملت

بس بخصوص انها اثرت فيني لا عادي الحمدلله
المشكله مادري هي نفسها ولا لا

اللي خذتيها ابرة الحصبة الالمانية موب ابرة منع الحمل ..

– – – Updated – – –

اختي انا دكتورتي ما طاعت تعطيني اياها ورغم اني حاولت بس ما طاعت وقالت الحبوب ارحم والحمد لله عقب قريت عن مضارها وعرفت ان دكتورتي عندها حق