شحالكن ؟
مشكلتي اليوم تقهر من قلب ، متزوجة من شهرين وريلي ما يخلي شي ف حلجه وين ما نبا نطلع لازم الفريج وخواته المعرسات كلهن يعرفن ، بصراحة شي يقهر , حتى البيت والارض اهله اللي يقولون له جي وجي وجي , وهو الوحيد اللي يصرف على اهله ما قلت شي ،
كل شي عليه هو ، عاد نأجل طلعه سوق ضرورية عشان خاطر وحدة من خواته تبا تسير الصالون ,
وحتى يوم كنت ابا اسير العيادة كنت ابا اسير عيادة محددة بس غيرتها عشان خاطر اخته المعرسة تبا تسير الصالون
يعني ما تذكرت الصالون الا يوم ريلها داوم ,
لا واليوم المشكلة تقهر اكثر واكثر , اونه شو .. انا ف الجامعه وريلي بيي يشلني انا اخلص من وقت بس اخته تخلص متأخر (المغرب )
وبيي المغرب عشان اخته , بذمتكم شسوي ف هالانسان اللي كل حياته اهله ,
لا ويوم بيبني البيت امه بتسكن وياي ، ليش ماعرف ؟
يعني خواته لصقة وين ما اسير وراي , واذا مب خواته عيال اخته
وهو ما وايد يسولف وياي ابدا , ما احس باهتمامه
ووايد يشكتي اني ما اهتم ..مع انه شغل البييت كله اسويه
بس ما اطبخ ويوم اهله ما يسوا اكل يرد الغرفة يتحرطم اونه شو كأني بعدي عزابي ما عرست ودوم يردد هالكلام
حتى يوم يجرحني بكلامه السم اصيح وما يسوي لي سالفة ويقول انا ما تأثر فيني الدموع عادي
ما يحس بشي يوم القمه الاكل ، ولا يوم اييب له هدايا ،/ حتى الهدايا اللي يبتها له ايام الملجة ، استأذن مني ووزعها ع اخوانه
بنات بلييييييييييييييييييييز ساعدوني عطوني رايكم
هو صح وانا غلط والا العكس
والا انا مكبرة السالفة
قسسسسسم بالله شي يقههههههههههههههههههههر
وكل ما اسير بيت اهلي لازم اييب لكل وحدة فيهم شي ,
بس مب معناته يلحقني وين ما اروح
وخوات ريلج متعودات اخوهم
يسويلهم كل شي
اصبري فديتج عليج بالصبر
شوي شوي كل شي بيتغير
هن بعدهن فبالهن اخوهن مب معرس
اختي انتي اهم شي لا تبينين له
انج متضايقه من حركات خواته
لان الريال يحترم الحرمه اللي تحب اهله
بس مثلاً قولي له باجر بنطلع
شرايك نشل خواتك معانا
وعقب كم يوم قولي له بنطلع رواحنا
واذا ع الاكل قولي له انا ادرس
ومعظم يومي في الجامعه
بس من عيوني شو تحب اطبخ لك
خيتي الرياييل يعقون الرمسه وبس
ونحن وااايد نتحسس لاننا نحبهم وايد
حاولي تطنشين ولا تقهرين عمرج
الله يسهل امرج ويسعدج يا رب
ويسخر لج زوجج
ويتكونون قرة عين لبعض
1ريلج اهله رقم واحد عنده ولا تحاولين تنازعين ع هالنقطة لانج بتخسرينه توج مكملة شهرين وتبين يميل صوبج ويودر اهله اللي هم عشرت سنين
2لازم تتطبخيله الريال يوم بيجوع التنظيف والترتيب والكشخة مالها اهمية
3-لا تصيحين جدامه عشان ما يجرحج بكلامه
انتي حاولي قــد ماتقدريــن تخلينه ينجــذب صوبج اكثر
الله يسهــل امــــورج و يفتحــها عليج ..
![19 خليجية](/images/smilies/bb/19.png)