صار لي سنه من معرسه وعايشه مع ريلي فبلاده ( أنا اماراتيه وريلي قطري)
مشكلتي اني ريلي مب حاس فيني ولا حاس بالوضع اللي انا فيه متغربه عن بلادي واهلي ومالي حداهنه تركت دراستي عشانه وتركت كل شي عشانه وبالاخير ميلسني 24 ساعه فالبيت ماييلس عندي ابد كله عند ربعه وانا محبوسه فهالبيت ماعندي شي يشغلني والله من كثر الملل ساعات تييني حاله نفسيه اطفي كل شي فالبيت وايلس بالظلام اصيييييييييح بس مليت عيزت من كثر ما اكلم ريلي واصيح له ماشي فايده
قولولي شسوي ؟؟
ليش ما تكلمين ريلج انه يطلعج …قوليله انج تملين رووحج… اتعرفي على الجيران و كوني صداقات يديدة……و على فكرة الريال يموت في شي اسمه ربعه…ما يقدر يصبر عنهم… و لا يحس الريال اننه حرمته بعد بحاجه انها تطلع و يكون عندها صديقات يتحسبونها جماد…يتزوجها للبيت و التنظيف…
نصيحتي لج انه تشيلين الهم و تشغلين عمرج بالنت و التلفزيون و تتعرفين على الناس…. و طمنينا عليج
حاولي تتعرفين على الجيران و كوني صداقات
و سجلي بقطر كملي دراستج او بمعهد يعني من الاشيا اللي تحبينها
مثلا معهد تصوير او رسم اذا تحبين هالاشيا بس تشغلين وقتج
او سجلي في نادي رياضي ولا تيلسين روحج
ويوم بيحس انج انشغلتي عنه اشوي هني يمكن يحس فيج
وفهميه انج مو ضد انه يطلع مع ربعه بس على الاقل يخصص لج يوم او يومين بالاسبوع يطلعج فيهم
لانج غريبة عن البلاد يعني خلي يكون بينكم صراحة وكلميه باسلوب حلو..قولي لها انا بعت الدنيا كلها عشانك ومو ندامة ولا يمكن عمري اندم..بس انا طول اليوم في البيت ودي اطلع وياك…
و ربي يعينج الغالية والله حاسة فيج
دشي نواادي وكوني لج صداقات..كوني لج حيااه هنااك..اشغلي عمرج بدورات ولا تخليين فراغ
بحيااتج…وحاولي تتقربين من ربج ادعي..من قلبج صدقيني الله بيسر لج امورج….وحاولي تتقربين
لريلج…اول شي ابدي بسوالف ثانيه..ويوم بتحسيين انج قريبه منه صارحييه بهالشي..وقوليله تخيل
عمرك بدالي..وان شااءلله الله يكون فعونج حبيبتي..واي وقت انتي محتايه لي مايردج غير لسانج..
اختج..^_^
اشتري مجلات اشغلي نفسج بالطبخ والموضه
وبيني لزوجج انج واااايد متظايجه وقوليله هالكلام اللي كتبتيه .. وكيف انج من وحدتج الشديده تيج حالات تظيج بج الدنيا فيها وتصيحين
ماظن قلبه ما بيحن عليج
ان شاء الله اكون فدتج
حاولي اتكلمينه انج تبين اتكملين دراستج مثلا
الله يوفقج ويفرج همج ان شالله يا رب