المهم من كم يوم كله يوم يطلع مايرد علي ويوم يرد يكون يكون معصب قلتله اكيد تيلفون اخوك عندك تم يزاعج علي ويقول لا مب عندي ومن هالكلام أنا طنشت أول أمس طلع من البيت وعقب دقيتله ماريرد علي مع انه قاللي شوي وبرد اني كنت ابا اروح السوق المهم مارد علي دقيت عالرقم الثاني اللي يقول انه مال أخوه وكان شي خط واخوه كان في الدوام وعقب يبت تيلفون ثاني رقمه غريب ودقيت قلت بشوف منو بيرد علي أول شي تم ساكت وبند وعقب دقيت وحطيت شيله عالتيلفون وتكلمت وتكلم هو طلع ريلي أنا أكلمه ومب مصدقه من شوي يصارخ علي ويجذبني يقول التيلفون مب عنده المهم كان يرمسني عادي ومخلي عمره وايد رقيق قلتله اني غلطانه وهو مايبا يبند وتميت اسولف وهو مستانس وأنا يالسه أدقله من رقمي ماايرد علي ابد وتم يرمسني يمكن ساعة ونص وحتى كان يتكلم في اشياء ماصخه ويتفدا المهم قلتله ايا اشوفك قاللي الحين ماقدلا قلتله خلاص انا بييي العين باجر قاللي اوكي واستانس بندت عنه وأما مصدومه ماأصدق انه هو عادي يكلم اي وحده جي
البارحه المفروض اني أشوفه بس هو من يا البيت كان غير يضحك ومستانس واحسه كان ينغز بالكلام وقد ماطلع من البيت وانا منقهرة خطتي اختربت كنت بروحله اوني البنت اللي رمسها وبخليه يتفشل يوم يشوفني أنا قام اخر الليل ووايد كان يرمس والله حد خبره اكيد اخته لاني خبرتها السالفه يمكن حذرته
قولولي شو اسوي ماريد أعدي هالسالفه على خير انا خلاص طفرت منه وأحس لو طلقني برتاح خلاص نفسيتي زفت في زفت غير التعب مال الحمل
شو الحل أفاتحه بالسالفه اليوم بعد ماييي من الدوام ولا أسوي شي ثاني
سمحولي خواتي طولت بالكلام بس كنت أبا أطلع اللي في خاطري …….
اتييبين البلا لعمرج
شو تبين به يوم هاي سواياه
الله يهدي ان شاء الله
كان المفروض ماترمسين حد في الموضوع واتكملين خطتج
واتواجهينه عسب تحرجينه يمكن يستحي على دمه
احينا انتي حامل والمهم صحتج وصحة الجنين
اذا تميتي جيه حارقه اعصابج باجر البيبي بيظهر عصبي
انسي الموضوع لبعد الولاده
وبعدها فاتحيه بالموضوع وحاولوا اتحلون الموضوع بهداوة وشوفيه شو يبا وشو ناقصنه
والله يهديه
هلا اختي هيا انا غلطت يوم خبرت اخته اكيد حذرته والله احس اني بنفجر ماظن اني اقدر اتريا لين ماأربي……..
واسلمتياختي اعرف انج في حالة نفسيه صعبه بس صدقيني نفسيتج ما بترتاح الا يوم بترمسينه
رمسيه بالموضوع يمكن انه حاس بالاهمال بسبب الحمل…ادعيله اختي والله ان نادرا ما تشوفين بيت خالي من هالسوالف ….والله بفرج همج
بس بقولج وامشي ويايه بالتدريج
الغاليه
اوكيه .. المشرفات لاتزعلون مني ابا ع العام عشان الكل يستفيد ..
الغاليه اول شي اباج تتغيرين
2 .. ما ابا اي شي يستوي ترمسين اخته
3 .. انسي انه يغازل
4 .. اباج الحين تسمعين الكلام عدل ..
(( طنشي .. وسوي عمرج هو مب هامنج )) ع فكره الحرمه الي اطنش ريلها لكن بحركه حلوه يموت يتعذب
وتعرفين شو اسوين .. يوم يكون هو في البيت قد ماتقدرين طلعي قبل مايرد واذا اتصل لاتردين مره مرتين المره الثالثه ردي ..
بكون معصب وينج قوليله طلعت كان عندي شغل وبخلصه ..
وبعدين اباج موووووووووول ماتتصلين له عادي واذا رد البيت اباج عادي
واتعدلي وادلعي
والعبي وارقصي واضحي ..
بعلمج حركه بس اهم شي خلي تلفونج ع الصامت
يوم بتعرفين انه دخل بس اونج عطيه ظهرج وسوي عمرج ترمسين بالتلفون .. واضحكي ضحك
وتمي عاد قولي لااااااااااااااااااااااااا ليش ياحرام يالقلبي ياحبيبتي
عاد مب وراء بعض
اباج يوم تيلسسين اطالعين التلفزون اطولين ع صوت الاغاني وارقصي وادلعي وسوي بعد عمرج ترمسين بالتلونه .
الغاليه ليش تتصلين فيه يوم طلع )( ظز فيه لا اسوين خذي البشكاره وطلعي سيري المكان الي تبغينه ونتواااااااااااصل
وانا بتابع ردج اول باول وبساعدج الغلا ..