*~* بنااااات تكفون ساعدوني بنتي والكحه والبلغم *~* 2024.

السلام عليكم ورحمة الله وبركاته ..

سيدات الامارات الغاليات,, بنتي عمرها 3 شهور واسبوعين .. وتعاني من الكحه الشديدة والبلغم .. ومسكينة البلغم ووااايد ملعوزنها… حتى دايماً ارقدها على جنبها,,

منو عندها طريقة للكحه والبلغم.. ياليت يا بنات تفيدوني..

حبيبتي
وديها عند دكتور استشاري طبعا .. يمكن تحتاج لاكسجين او شي
انا ولدي نفس المشكلة .. بس عقب ما تعالج عن البلغم وقفت عنه الكحه وعقب يومين رجعت له فقال لي الدكتور صدره نظيف ما فيه بلغم بس عنده حساسية من الدخون او العطور او حيوانات فابلتعدوا عنها .. وفعلا الغاليه من وقفت عن الدخون والعطور ارتاح وما ترجع له إلا بين فترة وفترة .. واخته نفس المشكله حساسية في الصدر

انا الحين ما اسوي دخون بس يوم اسير بيت اهلي او بيت حد معين يكونون مسوين دخون وعطور فما تقدرين تمنعينيهم

الغاليه وديها عند دكتوره اطفال احسن فيتج والله يشفيها

هلا أختي أم خالد..

تدرين كأنج توصفين حالة بنتي .. نفس الشيء كانت فيها كحه بس بعد ما تعافت رد الكحه مره ثانيه وقال لي الدكتور فيها حساسية ..

مشكوره حبيبتي على الرد..

أم رفيعه تسلمين يالغلا,, والله يشفي جميع مرضى المسلمين..

ياليت بنااااااااااااااااااااااااااات أعرف شو تجاربكم مع حساسية الصدر وهل في أعشاب معينة ..

السلام عليكم

انا بصراحة عيالي كنت اذا ما زاد عليهم البلغم عطيتهم لبان محلول في ماي يشربونه فيرجعون ويظهر البلغم اللي على صدرهم ودايما اعطيهم عسل سدر اصلي يخفف عنهم الكحة بس اذا شفتها زادت وايد وديتهم عن الدكتور والا ما يقدر يسويلهم شيء غير يعطيهم دواء مضاد للهيستامين وخاصة اللي يكون بالاعشاب لانه اللي ينفع لهم

ودمتم في صحة وعافية

شافا الله وعافا بنتج يا اختي

تحياتي
أمالذيب

يا الغالية بنتي نفس الحالة وفي نفس العمر وما فادها الا دكتور اسمه أحمد توفيق في مستشفى الذيد واااااااايد زين الحمد لله من يومه ما رد عليها الكحة ولا البلغم