بنااات بليز ساعدوني احس اني بموت من القهر 2024.

بنات ألحقوني والله حاسة إني بتخبل خلاص والله إذا عرفتوا سالفتي بتحسون فيني بنات أنا مالجه وعمري 21 بعدني ادرس في الكلية وريلي عمره25 وهو مهندس في الاتصالات وريلي كان ريال والنعم فيه وإنا مالجه من ست شهور وعرسي المفروض يكون تاريخ 2962006 بس تعرفون شو الصدمة إني بطلق بعد ما خلصت ازهبت وحجزت عند الصالون وكان خاطري في هاليوم من زمان إني البس الفستان الأبيض واستوي عروس وأسافر شهر عسل بس كل هاي الأحلام راحت والسبب اربيعتي مب أي أربيعه اربيعت الطفولة حطت عينها ع ريلي والقهر أنها خذت رقمه من موبايلي من دون ما ادري ولعبت بعقل ريلي لين ما قنعته انه يتزوجها أتخيلوا يا بنات متصل فيني قبل اسبوع ورديت عليه كالعادة فحسيت انه كلامه جدي وااايد فقتله شو فيك يا فلان قالي ما شي بس بقولج شي وخذيه بروح رياضيه قتله قول قال بننفصل يعني بنطلق والله يابنات حسيت الكلمه جنها صخره طاحت علي يوم قتله لييش قالي بس شي احسج مب مناسبتلي يقولها بكل وقاحه يعني انا وياه من ست شهور ما اكتشف إلا توه قبل العرس عالعلم والله اني اوكيه وياه مستغربه وين كلام الحب والغزل اللي كان يقولي اياه اكتشفت والله اني مال مقصه وكانت صدمتي يوم قالي بتزوج وحده انتي اتعرفينها وااايد يوم قالي اسمها انصدمت صدمه ولين احين مب طايعه اصدق ليييش سوت فيني شذي ما سويتلها شي بالعكس يوم كنت اطلع اتزهب هي اتكون وياي اف كل طلعه ويوم سألته هي شو اتزيد عني قال احسها دلوووعه وايد وانا تعيبني الوحده الدلوعه وقالي اني انا وااايد استحي وهو ما تعيبه الوحده اللي وايد تستحي شراتي بنات اكيد كلكم كنتوا تستحون ايام الملجه وخاصه يوم ريلج يقوليج قوليلي كلام حلو أو غزل صح ولا انا غلطانه؟

يوم سالت اربيعتي الحقيره ليش سوت جذي جان أتقولي بكل برود أعصاب ريلج عيبني وغير هذا انه هو شخصيه ووسيم وشخصيته أتناسب شخصيتي.
يعني ما حصلت غير ريلي والله حراااااااااااااام شو ذنبي اطلق وانا بعدني في هالعمر والله اللي يالسه احاتيه كلام الناس اللي بينقال لان نحن ناس معروفين واهلي ناس محترمين مب مال مشاكل والحين هم بيملجون وعرسها بيكون في نفس اليوم اللي كان المفروض يكون فيه عرسي انا؟ وطلعت الحقيره انها اتكلم ريلي من شهر واحد بس؟ بس ما اعرف كيف قدرت تلعب ابعقله….

بنات والله اهلي يحاولون يهدوني بس انا منقهره والله اني اكتبلكم وانا يالسه اصيح من القهر
بناااات قولولي شو اسوي الله يخليكم عطوني حل؟ والله ما اعرف شو اقول للناس اللي يعرفوني يوم بيسألوني عن الموضوع ….

والله حبيبتي ما ني عارفه شو اقولج قلبي يتقطع وانا اقرى الكلمات الي كاتبتنها

بس حسبي الله ونعم الوكيل على جي بنات خطفت الريال من حرمته

ان شاء الله ما تتهنى مثل ما حرمتج من الفرحه

وحبيبتي خلي ايمانج قوي بالله وسبحان الله يمكن يكون ما في خير لج والله كاتبلج الخير مع ولد حلال مو مثل هذا الانسان الواطي الي ما عنده ذرة رجوله واحساس

بس عليج بالصبر والله اني عارفه انها صعبه وااااااااااااااااااااااايد والنار الي في داخلج ما بتنطفي بسرعه بس وكلي امرج على الله والله سبحانه وتعالى ما راح ينساج

وحبيبتي وايد بنات يغلطون غلطه كبيره في حياتهم ان ربيعاتهم يدخلون حتى في شؤون ازواجهم وهذا اكبر غلط

والله يساعدج تتعدي هذه المرحله وصدقيني بي يوم وبتقولي لعمرج ما يستاهل هذا الانسان حتى دمعه من عيونج والا لحظة ضيق

والله يحفظج من كل شر قلبي ويااااااااااااااااااااااج

الله هب كاتب .. والحمدلله ستوا هالشي قبل العرس .. الله يعوظج خير .. والحمدلله على كل حال

اختي ما بقولج لا تزعلين لأن الموقف واااايد صعب طبعا …. بس حاولي تصلين و تقرين قرآن عشان ربي
يهدي سرج و تحسبي عليهم ربي … و تأكدي انه هو ما يستاهلج .. و نفس ما قالت ربيعتج (لو انها مش ربيعة)
بس نفس ما قالت انه هو لايقلها .. يعني نفس الطينة الفاسدة … و تأكدي انه ربي ما بيوفجهم .. و انتي
ربي يبالج الخير بانفصالج عنه … توج صغيرة و ربي بيعوضج عنه كل خير ان شاء الله … و الكل يعرف
انه انتوا مالجين يعني لا تعتبرين كلمة مطلقة هاي مصيبة … خلج قوية و لا تشمتينهم فيج بالعكس
طنشيه و راويه انه انتي و لا هامنج …. و تحملي تردين على اي شي منه لا مسج و لا تلفون و انتي بعد
لا اتطرشيله شي موووووووووول ….

و الله خاطري ازنط هالبنت اللي خذت ريلج … حسبي الله عليها …

من هالحادثة بتستفيدين اشيا وايده منها انج ماتثقين باحد لو منو ماكان ولا تأمنين ع احد باسرارج
والغلا هذا ريال ما يعتمد عليه زين يوم طلع ع حقيقته (بانه ينقص عليه بسرعه) قبل العرس والحمدالله ترى كله اللي يصير لمصلحة الشخص

وصدقيني حاسه فيج انا روحي انقهرت وانا اقرا سالفتج
ربي يعوضج بالسعاده
وربي يرزقج بريال يحطيج بين عيونه

حبيتي هدي روحج ادري انه كلماتنا ما بتهديج بس والي خلق السموات والارض عمرها ما بتكون سعيده وبيي يوم رب العالمين بيعاقبها نفس ما هي صرقت ريلج منج رب العالمين بيسوي فيها نفس الشي وبيفشلها مثل ما فشلتج ثقي ياختي
كما تدين تدان
وهذا الريال صدق انه ما يستاهلج ولا يسواااااااااااااج لانه ما عرف قيمة لاالبنه الخجوله الحياويه
سار وخذ وحده مكاره مخادعه نفس الحرباء تتلون بمليون لون
لا تحزنين يااختي احسن الحين انه ظهر على حقيقته طلع انسان خفيف وتغره هاي السوالف الماصخه اصلا كيف رضى على روحه انه يكلم ابنيه غير زوجته هاااااااااااا
صدق انه ما يستاهلج
والله ينتفم لج من هاي الابينه الي ما تخاف ربها ولا عندها لا حيا ولا مستحى
حبيبتي انتي انتي مالج ذنب واي احد يسألج قوليله انه هو الي طلع نذل وكوني واثقه من روحج ومحد ابدا بيضايقج لا كلام الناس ولا اي احد
حياتي اصلا انتي بعدج ماتزوجتي عشان تتطلقين عادي يعني مااستوا شي امبينكم والملجه تعتبر بس مرحلة تعارف والحمد لله ربج فكج منه
صلي رككعتين وادعي ربج انه ينسيج ويعوضج خير
الله يكون في عونج

حبيبتي صدقيتي ما يستاهلج مثل ما قالوليج الأخوات والله ما بي هنيه لان بنات الناس مب لعبه يلعب فيهم وهو طبعه نذل ويحب البنات الميعات والمحترمه ماتترس عينه واحسلج مااتزوجتيه زين انج اكتشفتي حقيقته قبل الزواج والله بيرزقج باللي احسن منه ان شاء الله وهدي عمرج لان الدنيا ما انتهت لين اهنيه بعدج اصغيره وبيج اللي احسن منه وبشيم منج وبيحطج فوق راسه ولا اتقولين اني مب حاسسه فيج والله اني حاسه فيج ومنقهره شراتج وخاطري ازيخ سراقة الريايل هاي واخرب عرسها وما اخليها تتهنا وياه مو بس شي بعد بضربها ضرب ما حلمت فيه…