شحالكم بنات وشحالكم حريم وشحالكم الامهات
عندي مشكلة مب عارفه كيف احلها وقلت ما في غيركم …
حبيباتي انا عندي عمتي اصغر عني في العمر ودرست في الكلية وانا من فتره كل ما اروح بيتهم اشوفها ترمس في الفون اقوللكم 24 ساعه يا ترمس يا مسجات … واذا طلعنا ويا بعض نفس الحاله ياترمس او مسجات 24 ساعة فأنا قلتلها بصراحه واااايد ترمسين في الفون حتى لو اتكلمين اربيعاتج بس مب هكثر طنشتني وعقب انا اكتشفت انها اترمس واحد ويمكن اكثر عن واحد الله اعلم بس المهم نصحتها وقلتلها هذا الشي مب زين عصب عليه وقالتلي وانتي شو دراج يعني اي حد يرمس في الفون او يطرش مسجات يعني لازم يكون واحد ….. انا سكت عن الموضوع معني انا متأكدة 100% انها اترمس واحد …. واليوم رحت بيتهم اقوللك مووول الفون ما خاز عن اذنها وايديها جان اقوللها نحن ما اترمسينا هكثر وما نسمع صوتج هكثر … قالت صوتي غالي ….قلتلها غالي بس حق ناس ثانين ارخيص جان اتقولي شو قصدج قلتلها ما شي جان اتقولي كلمة عورت قلبي واااااايد قالتلي ((كلن يرى الناس بعين وطبعه )) يعني شو قصدها ؟؟؟
والله يا بنات انا نيتي زينه بس حسيت انها قالت الكلام من خاطرها والله صدق مضايجه حيل … بس ما حبيت اتقولي هذا الكلام وانا قصدي اني انصحها … بنات شو اسوي خبروني …. اذا انا غلطانه قولولي ….وكيف اقدر اخليها اتقوم من غفلتها ومن الي اتسويه واقدر انصحها وانا خبرت عمتي الي هي اكبر عنها بس قلتلها ما اتقوللها اني انا الي قلتلها …. وقالت بتشوف بس انا بعد ابا انصحها
بس بليز الي يدخل الموضوع يقرأ ويعطيني نصيحه او ع الاقل يرفع الموضوع انا ابي مساعدتكم بليز
اختكم
غاليتي 
شو الي يخليج متأكدة 100/100 ان الأخت لاسامح الله تكلـم أحد ^_^ !
إنتي للاسف ماعندج اي دليل ضدهـأ
وإن بعض الظـن إثم ^_*
ويمكـن اتهـامج لهـا في شرفهـا هو الي دفعهـأ تقولـج هالكلام
صح انـه مب حلو بس انتي البادئـة غاليتي
إذا عندج دليـــل ضدهـأ ممكن نناقش هذا الشي بس دام ما في شي أختــي
انتي رمسي أهلهــأ عن مخاطر الحريـة المطلقـة بالموبايل ..
وان الأهل لازم يسوون حد للمكالمات الي تستقبلهـا بنتهم ^_^
ولازم تكون في مراقبـة مستمرة لتلفون البنت
بدون ما يحسسونهـا انهم يفتشونهـا بذكاءهم هي بروحهـا بتعطيهم موبيلهـا
وربي يهدينـا أجمعين
وان شاء الله تكونين غلطانـة وتطلع الأخت بس تكلم ربيعاتهـا ^^
أمــا غإا كان عندج دليل قاطـع على هذا الشي
فحاولي ترمسينهـا بعقلانيـة أختي وبالهداوة ^^
وإلا بتنفــر منـج وما بتسمع نصيحتــج
الإنســان بالكلام الطيب الجميل يوصل النصــيحـة
وإذا ما سمعــت منج أختي عليج بأعقل حد في أهلها هو الي قادر يوقفهـا عن هذا الشي
لإنــج مسؤولـة منهـأ الحين أختي ( إذا كنتي متأكدة من السالفـة )
وربي يهدينـا أجمعين
شو الي يخليج متأكدة من هالشي؟
يمكن انتي ظالمتنهاا
لكن بالكلمة الطيبه فديتج 0
لا تعصبين ترااها بتعصب وبتبتعد عنج خذيهااا بالمساايس
وتقربي منهاا وخليج موضع اسرارهاااا وجذي بتقدرين تأثرين عليهاااا
حبيبتي بعدج تأكدي ولا تظلمينهااا 00ان بعض الظن اثم ^^
الله يهديهاا ويسخرهاا لدينهااا ويزااج الله خير ياارب
واختي شيخة انا بنفسي شايفه المسجات من جيه متأكدة وبنفسي سمعت صوته كانت معليه على الصوت بالغلط عقب خفت على الصوت …. بس المسجات انا شفتها ومن واحد من جيه انا متأكدة 100% وانا ما احب اقول شي او اكتب شي … ومشكورة فديتج على مرورج
ونصحتيهاا.. ولمحتيلهااا.. دامج متأكده ..
خبري حد هي تسمع كلامه .. ويقدر يأثر فيها..
وادعيلها بالهدايه..
الله يهديهااا ..