بنات اختى تبى تطلق والسبه ماتستاهل 2024.

السلام عليكم

انا مو صاحبه النك نيم الاصليه انا بس حبيت اعرض مشكله اختى الى مجننتنا كلنا تبغى الطلاق وهى بعدها مادخلت

بنات انا اختى فىالجامعه تدرس بنيه حلوه وجميله وخلوقه النصيب ياها ويا زوج مطلق بدون دخول وافقنا لانا وايد محترم وزين

وهو اكبر عنها الصراحه ب10سنوات بس من عايله محافظه وسنع الكل يشكر فيه وفى عيلته الكريمه

المهم يوم سالته اول ما تقدم بكم يوم قبل العقد ليش طلقت قالها كانت غاويه مشاكل وتحب تغايظ امى اخوانى

اختى صدقت وابوى ساله بعد نفس الكلام ردده كانت تقرب ابوى وخديتها والمشاكل بدت وطلقتها بعد 6 اشهر وبس تم وياها شهر وسافر امريكا يكمل الماجستير ورد طلق وانتهى الزواج

المهم بعد العقد بشهرين اكتشفتا انه صدق كانت راعيه مشاكل وياا امه وامه بعد مهب هيينه والبنيه كانت للاسغف غشاشه تبى تقهر حبيب القلب ال تحبه كات ايام الجامعه لانها اكبر عن اختى ب5 سنوات مخلصه الجامعه وارسلت له رساله قالت
انا ماادرى شو بسوى زواجى بعد سنه وانا ما محدده مشاعرى لانه كنت احب زميلى فى الجامعه وكنا افترقنا وهو رد يبغينى وانا ماحتاره مبينكم انت ريل زين وهو حبيته ولا زلت احبه وانا مااعرف حل للموقف هذا التفاصيل كامله ما نعرفها هذا الى اخته قالته لاختى يوم تكلمت عن البنيه لانهم مايدانونها ابدا وقالت لها انا شفت الرساله ابوى راوانى
وهو اطر يجى من اميركا يطلق وبالاساس هم طلبو منه يطلقا قبل الرساله مكانو يريدوها وهو بعد الرساله رد طلق رغم محاولات اهلها انه يفوت الموقف بس هو كان مقرر خلاص ماابيها

المشكله الحين اختى تقول كذااااب ما قال الحقيقه وانا زوجته وكن لازم يصارحنى وصدج كان يقول عنها حقيره وماتستاهل بس ليش خلانى مثل الاعمى واخته الى تقولى وهو خش السالفه عنى وانا اهم انسانه كن لازم تعرف
الحين لزوم تصارحه ولا تسكت بس هى تبى تطلق تقول استغفلنى ومااحب هالطريقه وما ابغاه الصراحه مانعرف شو نسوى وياها هو بعد ليش ما تكلم والله اختى طيبه كانت بتشله فعيونها بس هى تكره الكذب وتوها صغيره وحليلها والى قاهرها اكثر كن دوم لو سالته شئ يقول كانت حرمتى ويردد الكلمه ويجرح مشاعرها كنت تسكت اختى بس بعد مااعرفت انها كانت استغفر الله تقول بعد اى سوته كن يقول حرمتى بدال ما يكرهها ماادرى بنات انا نفسى احترت فى اقناعها وامى وابوى مايغصبون احد على شئ ويقول ماحبيتها كنت اشوفها مهب حلوه مثل اختى الصراحه اختى جميله عنها بمراحل واصغر وماتستاهل الى استوى فيها

ساعدونى فى حل الازمه الطلاق مهب هين

يختي أحس ما فهمت السالفه كامله

لكن الافضل انها تستخير واللي الله كاتبه بيصير

يعني اشوف ان تصرف اختج غريب

الريال خبركم انها غاوية مشاكل وهذا الي تبين لكم
يعني هو مب مطلوب منه يخبر سيرة حياته
في شو غشها بالضبط!
هل في كونه ما فضح خطيبته القبليه؟!
انا الي فهمته ان الريال كل ذنبه انه ما خبركم بالمشكله كلها ،
اذا الريال زين وطيب خل اختج تتعود من ابليس
وتذكر ربها
وتصلي استخارة وما خاب من استخار

ياعمرى هو قال كلام عن فسخ العقد القديم غير الحقيقه واختى اكتشفت الحقيقه انه البنيه هى الى خلته وهو كن قايل العكس انه تركها عشان اهله مايبونها فهمتى حياتى

حبيبتى انا قلت نفس كلامج بس هو ليه ما صدق وليه بيفضحها نحن اساسا ما نعرفها ولا راح نشوفها وطبعا كل احد له وجهه نظره انا مااختلف وياج بس الصدق افضل

يمكن ما قال لها الصدق لانه ما يبا يدخل فالتفاصيل ويبا يستر ع طليقته

خذوا الموضوع من جانب ايجابي

اختج لازم تحط في بالها انها ما تركض ورا التفاصيل لانها راح تتعب وتضيع وقتها

خليها تعيش اللحظات الحلوه في الملكه

الله يتمم لها على خير