بنات اربيعتي متضايقه وايد والسبب ــــــــ 2024.

هي تقول ان اسلوبه وايد متغير عن قبل عن ايام الخطبه وامها تقول انه عين صابتهم لان ماشاء الله الكل يقول لايقين ع بعض اثنينهم حلوين وهو بصراحه ما قصر ف اي شي وياها هي بروحها تقول كل اللي تباه وتتمناه سواه لها بس التغير هذا كلنا مستغربين منه
هي تحس و تشك انه كان يتمسكن لي ما يتمكن .. طاع تفكيرها صج ياهل

المهم مره كانت تكلمه وع قولتها كان يتحرطم على امها ومب طايع يسمعها وهو يرمس هي تدخلت كم مره وجنه قاطعته شب فيها وقالها بلاج ما تسمعين ليش ما تسكتين وما ادري شوو هني هي ما صدقت اللي تسمعه اول مره ف حياتها يصرخ عليها وجي يقول لها تمت ساكته وهو تم ساكت وهي بدت تدمع بندت الخط وغلقت الفون وطرشت له مسج ارمس ع راحتك انا ما ابا ارمسك .. قويه
وهو رد عليها بمسج شكرا ع الحركه بس عيب تبندين التيلفون في ويهي وما كنت اتوقع لكن بعد اليوم لازم اتوقع كل شي يجيني منج خلاص ما عاد في احترام .. وين يبا؟؟
هني هي انقهرت ع قولتها وردت عليه بمسج وسائط دومها جي اربيعتي انفعاليه وايد طرشت له :
الاحترام موجود بس لازم يكون بين الطرفين وانا سكرت وانت ساكت مب وانت ترمس فيه فرق!!
وانا شو قلت عسب جي تشب فيني وتعق علي مثل هالرمسه وانا آخر شي ارضى فيه ان حد يحرجني ويجرحني مب كفايه اني متحمله اسلوبك الجاف وياي اللحين اتحمل صراخك وعصبيتك ليش انا شو سويت؟؟
واذا مب ف خاطرك ترمسني لا تتصل انا ما عندي استعداد انحرج و انجرح او اتضايق بسبة اي احد .. قويه لاااه قسم بالله قلت لها

المهم من عقب هالسالفه مرن ثلاث ايام وهو ما يتصل البارحه طرشت له مسج ما رد عليها وتو دي اليوم الرابع ومافي اي خبر يديد وهي بعدها ف بوظبي وما بترد الا عقب اسبوع بسبة ظروف عندها تخيلوو توها مالجه تفكر بالطلاق اقولها انتي غبيه هذا موقف عادي ليش جي تفكرين ما ادري شو صابهم والله

هي والله صج غامضتني فاليوم تدق لي عشر مرات تقول مب هالحياة اللي انا كنت اباه ولا توقعت ومن هالكلام شو ينقصني وانا ما ادري شوو والله صج عورت قلبي وتقعد تصيح والله وايد صياحه هالبنت ما تتحمل شي
انا ما اعرف فهالسوالف وايد عديمة الخبره يعني من الله توني مالجه والله يجنبنا هالمواقف بسم الله علي
بس ما ادري والله احس ريلها يبا يأدبها ويخليها تتعلم احسه يكابر وقاسي مقهوره منه
طبعا انا ما قلت لها هالرمسه ما فيني ازيد البنت صح هي غلطت لما سكرت الفون ف ويه بس بعد ما يرزى هاا كله؟؟

انتوا شو رايكم؟؟
ادري هذربت وايد وطولت بس ع قولتها لازم تحط حد اونه بعطيه فرصه لين اسبوع اخاف تتهور هالبنت ما تنضمن ولا بعد هي حالفه ما تتصل اونه ما بذل عمري ولا بعوده اني اراضيه لا مابا
.. كل واحد فيهم عنيد اكثر من الثاني

ام التوم

نهر الحرير

ثانكس بنات ع النصايح والله انكم خليتوني اعرف شو اقول لها لاني كنت محتاره؟؟
والله انا نصحتها واليوم تميت اكلمها فوق الساعتين ارمسها بس اخيرا اقتنعت واتصلت له بس تخيلوو ما رد؟!؟!
انا هني ما اعرفت شو اقول لها ؟؟
يعني مب كفايه انها متصله له بعد يطنش احسه متكبر
ما ادري انتوا شو تقولون؟؟ شو المفروض تسوي يعني؟؟

سلاموووة