بنات اكتشفت انه ريلي يخوني والقهر انه ربيعتي اللي تكلمه !!! 2024.

انا بنت متزوجه صار لنا 3 شهور متزوجين وتقريبا من قبل4 اسابيع اكتشفت انه ريلي طالع مع ربيعتي يتغدى معاها ..
كيف اتجرأت على هالشي وانا وثقت فيه وفيها ونحن ربيعات من سنيين يعني حرام عليهم يسون جي والشخص اللي قال لي انه ريلي يكلم ربيعتي هو ربيعه اتصل على تلفون البيت وقالي انتبهي عريلج لانه يخونج مع ربيعتج وسالته متاكد من الرمسه وكيف يدري قال لانه ريلج ربيعي ويخبرني بكل شي ويكون معاي مرات يوم يكلمها وانا حبيت اخبرج عشان تعرفين حقيقة ريلج وحرام اللي يسويه فيج لانج على قد نياتج ما تدرين هو شو يسوي من وراج وياتني الصدمه الثانيه لما قالي انه ريلي قال له ربيعتي باسته وقالت له انه هي تباه من زمااااان بس انا كنت فطريجها (حسبي الله ونعم الوكيل ) انفجرت من الصياح والقهر اقول فنفسي انا شو سويت عشان استاهل كل هذا….!!!!
فقلت بترياه لين ما يرجع من الدوام وبقول له اني اعرف بكل شي لما رجع شافني مضايجه قال لي شو فيج وقلت له اني اعرف قال شو تعرفين قلت له اني اعرف عن سالفتك ويا ربيعتي قال شوووو وفج عينه منصدم قال لا انا ما اكلمها هي اللي تتصل فيني انا والله ما اتصل فيها لو تبين تتاكدين خلي تلفوني عندج وقلت له انتي مرتي وانا احبج ومستحيل اروح لغيرج قلت له عيل كيف طلعت وتغديت معاها كيف تتجرأ على هالشي انا يالسه فبيتك ومحترمتنك وانت طالع تتونس وياها .. تم ساكت وعينه تدمع وقعد يتاسف لي وسامحيني وعد اني ما اجرحج واخونج مرة ثانيه وبغير رقمي عشان ما تتصل فيني وانتي كلميها عشان تبتعد عني وتخلينا فحالنا ..
المهم باليوم الثاني اتصلت فيها ما ترد فطرشت لها مسج انه لو حاولت تسوي هالحركات مرة ثانيه ببلغ عليها وبخبر اهلها وعقب ردت طرشتلي مسج كاتبه فيه ( لو كنتي ميوده ريلج جان ما استوى كل هذا *_^)
اقول فخاطري هاي ما تستحي لها ويه بعد تقول لي جي رديت وطرشت لها ( الله وياج ولا تنسين انه الله فوق )..

حبيت اقول لكم سالفتيه عشان تاخذون حذركم من هالبنات ترا مرات يكونن ربيعاتكن اللي يخربن بين الزوج وزوجته
والحين الحمدالله عايشين مرتاحين انا وريلي ^^