بنات اللي ساكنين ف العين و اللي تحط عيالها ف الحضانه .. شو احسن حضانه احط فيها ولدي تكون ف زاخر او الجيمي لاني ادرس ف جامعة العين و بغيت احط ولدي ف حضانه يكون نظامها بالساعات لاني اداوام يومين ف الاسبوع ف حرام ادفع حق شهر كامل و انا بحطه بس يومين ف الاسبوع ..
****ولدي عمره 4 شهور و اسبوعين شو رايكم احطه و لا شو ؟!
يا ليتني في العين جان حطيته عندي
حرام في الحضانه ،،، حطيه عند اهلج او اهل ريلج
@امراه @ام يوسف ويس : المشكله اهلي و اهل ريلي بعيد عنا
@munamoor : فديت روحج من طيبج
انا ما كنت متحمسه وايد حق الفكره بعده صغير و يباله شغله بس قلت يمكن في وحده منكم حطت ولدها ف هالعمر و تفيدني .. اساسا ريلي يكون فاضي وقت دوامي و هو يشرف ع الخدامه ف غيابي بس احيانا يصير له شغل ضروري و يضطر انه يأجله لحد م ارد انا من الدوام و هو يكون تعبان يبا يرتاح بس يقول عادي بتحمل هاليومين ..
انزين شو انسب عمر اقدر احطه ف الحضانه ؟؟؟
انا اقول ف عمر سنه ونص وايد زين لانه يبدا يمشي و حتياجاته تقل و حلو ف هالعمر يعلمونهم اشياء حلوه تغيدهم و لا شو رايكم ؟!
96 مشاااهده و ثلااااااث ردود بس .. ليش !!!
اتصلي بيهم وشوفي ليو يقبلون بأجر يومي
وربي يحفظه لج