بنات امنو جربت ابرة الظهر عند الولاده 2024.

مرحبا بنوتات شحالكم ^_______^

اول شي بقولكم قصتي انا متعقده من شي اسمه ولاده من اول مولوده لي و الحينه

حامل بالثاني ولادتي الاولي الله يسلمكم ولدت بالطلق الصناعي و صارلي حالة رعب

من الولاده هذي… الحينه انا في الشهر السابع و بدا العد التنازلي للولاده

و حابه اعرف منو منكم جربت منكم ابرة الظهر انا اراجع في مستشفى الوصل

و إن شاء الله هناك بولد فأبا أعرف يسوونها عندهم ولا لا ؟

بليزززز ردوا عليه

ما أنصحج فيها..

صح انه يخدر وما تحسين بالام الولادة..بس بتعانين من سلبياته عقب نفسي..

انا خذت الابرة في حملي الاول لاني تعبت واايد من الطلق..

احينه بكمل 3 سنوات..والله اني اعاني من عوااار الظهر وما اقدر اقعد اكثر من نص ساعة ..لازم انسدح شوي

انا طوول اليوم منسدحة..بس لو رحت مكان او عزيمة اتعب وااايد لاني ما اقدر انسدح يدام الناس..

ولما ابي اشل شي من الارض او اشل بنتي اتم ميودة ظهري نفس العيووز..

حمدالله في ولادتي لبنتي ماخذتها ولا افكر اخذها في هالحمل

سوووري وايد طولت عليج بس والله ما انصحج فيييه..

والله يسهل عليج وعلينا

تسلمين فديتج ع الرد و سلامتج ما اتشوفين شر

خلاص شكلي هونت معقوله تسوي كل ها

الله يعيني على آلام الولاده > <

انا خذتها
والحمدلله ابد ماعورتني مجرد الم مكان البره حالها حال الابره العاديه
وناويه آخذها مره ثانيه انشالله
بس اهم شي الطبيب الي يضربها يكون متمكن وفاهم

هو فعلا لازم يكون فاهم عشان ما اروح فيها بعدين

والله احترت اسويها ولا لا خايفه من الولاده وااااااااااااااااااااااااااااااء

أنا أخذتها عشان ربيت قيصري بس صدج ظهري احيانا يعورني

ربيعتي من يومين ربت وخذت الابرة .. وما قالت انه جاسها شي .. عادي

وحرمة خالي خذتها وعادي مافيها شي ما شاء الله ..

وهي عندها 5 الحين الله يحفظهم ..

وعادي في الوصل يعطون بس لازم تطلبينها منهم قبل .. يعني وقت ماتراجعين اتقولين لهم ترا انا ابا هاي الابرة ..

بس انا ما افكر آخذها تجنبا للمضاعفاات .. الا اذاااا صدق صدق ماقدرت اتحمل العوااار بطلبها

وربي يسهل علينا