حد جرب اي علاج من وحده من هالمراكز؟؟؟؟ (مساجات، ال بي جي، رياضه، الخ الخ)
مركز القوام الرشيق؟
مركز الجمال الدائم؟
مركز اسثتيك؟
اورينتال؟
كل واحد من هالمراكز عندهم مساجات للتصريف اللمفاوي و علاجات للسيلولايت الخ.
و و العرايس وين رحتو لكورسات العناية بالجسم؟؟؟
انا اريد اصقل شكل جسمي قبل العرس 
(انا ضعيفة من فوق بس مشكلتي سيقاني متيييينه و فيني احتباس سوايل فيها و اريد اسوي مساج يصرفه)
افيدوناااااااااااااا و يزاكم الله خير
انزين مب شرط المراكز اللي حاطتنها…..شي من اللي جربتوهن؟
انا شراتج كنت احاتي وحسيت باحتباس سوائل وسيلولايت .. وسويت الاجهزه .. وماشاءالله غديت مرسومه رسم من تحت
بس الله لا يراويج عقب .. طبعا انا تميت شهرين تقريبا ..
المهم الحين .. ردت لي هالسوالف وبزياده اكثر بعد !
اتصلت فيهم قلت ليش .. قالت لنه لازم اذا بديتي في هالشي تستمرين فيه طول عمرج !!
وانا الصراحه ماعندي وقت اسير اسبوعيا واسوي وادفع لي كل شهر كم الف .. طول عمري ..
احسن شي ..
امشي ساعه يوميا .. ويوم ترجعين تتسبحين .. بعد السبوح .. اهني بأي لوشن او زيت وسوي بروحج مساج
للفخوذ .. انا من هالفتره اسوي جي .. حسيت خف وايد ..
ان شاء الله البنات يفيدونا بعد.