بس بصراحه الحياه واااايد حلوه اهم شي خليج ابعيد عن الشر وربي يوفقج ان شاء الله
الحياه السكنيه يخليج تعتمدين على عمرج فكل شي من ناحيه الصلاه والدراسه والطبخ خخخخ هذا الاهم
وان شاء الله اكون افدتج
جامعة الامارات جامعة جدا رائعة ومستواها التعليمي والتقني جدا متطور بالاضافة الى دراساتها العلمية الخارجية على مستوى العالم معروفة من دكاترة وبروفيسورين وبروفيسورات ما عليها كلام
بالنسبة للكلية تضم 9 كليات
كلية العلوم : تخصص كيميا , احياء, جيولوجيا عام, جيولوجيا بترول, رياضيات, احياء دقيقة
كلية العلوم الانسانية : تخصص علاقات عامة, اتصال جماهيري, تاريخ, علم النفس, علم الاجتماع وسياسة وادب انجليزي وغيرهم
كلية الهندسة: هندسة كيمياء,هندسة احياء,هندسة مدنية, هندسة معمارية, هندسة ميكانيكية.
كلية القانون: قانون خاص,قانون عام
كلية التربية: التربية بكل فروعها.
كلية الزراعة والاغذية: تخصصات الاغذية وتخصصات الزراعة.
كلية الادراة : احصاء, ادارة…الخ
ولو ما نسيت شي بعد
بالنسبة للسكن
البنات المستجدات يكون فسكن خاص فيهم اول فصل او فصلين
ومع بداية السنة اليديدة ينقلونهم للسكنات ويا البنات القداما
ونقلتهمل لسكنات القداما واااايد احسن لهم ويسهل عليهم يخبرونهم البنات عن كل شي وييسرون لخواتهم
بالنسبة للبنات فالسكن جدا متعاونات
لانه كل وحدة حاطة فبالها انه هالبنت نفسها وانها بعيدة عن اهلها وفيوم من الايام كانت ما تعرف شي وتعلمها كل شي تعرفه
الادارة جدا صارمة ومتشددة ع البنات لمصلحتهم
يعني ماشي طلعة من السكن الا ويا الاهل المحارم
ولو تبين تطلعين ويا حد غير الاهل لازم تصريح من الوالد
بالنسبة للجامعة كلها فعاليات ومؤتمرات واحداث واكشنات ما تسكت ابدا
مستحيل يمر شهرر ومافيه اي فعاليه او محاضرة او ورشة
صلي استخارة وتوكلي
والفترة اللي يالسة تفكرين فيها تراج اتضيعين ع عمرج سنة
يكونون فيها ربيعاتج قدمو وبدو دراسة وانتي بعدج تتشاورين
وبالاخير لما اتين تسجلين يكون بنات صفج فالمدرسة تخرجو وانتي بعدج في بداية المشوار
الحقيهم *_^
بالتوفيق للجميع
مابقولج مش اوكي ولا انه اوكي
فيها الشي الحلو وفيها الشي الي مب حلو !
طبعا ف السكن وانا اقولج اياها اذا انتي رايحه تلعبين ويا البنات وجي ترى وااايد من هالنوعية يعني قوم الحفلات وبنت تحب بنت والى اخره هالشي بشكل فظيييييععع عندنا يعني لو لقيتي بنت مب راعية هالسوالف محظوظه تكونين خخخخ
السكنات اليديده نظامها نظام مستشفيات صراحه انا ما ارتحت ابد فيها , صح غرفة بروحي لكن اي صووت تسمعينه اي حد يمر تسمعينه والغرقه ضيقه جنه مستشفى ماحبيت ورحت المقااام , وصار كل يوم لازم اروح فالباص للكليه وبعد تلعوزت كنت اتعب ف الشمس والمشي لين اوصل الكليه وايد يباله =_=
بس مع يمعة البنات والربع الاووووكي بتمشين امورج , عاد انتي وصبرج .!
ومن ناحية الدراسة انا يمكن اقولج شي وانتي تشوفينه شي ثاني ف ماقدر اقولج !
بس شدي حيلج وكل شي اول بأول وحاولي تسألين الارشاد دايماا دايما دايما وقبل كل خطوه تخطيها 
الله يوفقج
ويعتمـد على مدى تقبلـج وحلج للسلبيـآت
وتفاعلـج مع الإيجابيـآت
وكل شي فـ بدآيته صعب
الله يوفقـــج
اب