بنات جامعة الجزيرة ممكن اشوي؟؟ 2024.

مرحبا بنات اشحالكن؟؟

بنات ريلي يدرس في جامعة الجزيرة وطبعا انتو عارفين انها جامعة مختلطة,,
المهم هو دايمن ايخبرني عن البنات وعن البلاوي اللي هناك… وانا قريت كذا موضوع في المنتدى عن البنات الي الجامعة..

الصراحة انا وااايد خايفة,,,

ممكن اتخبروني؟؟ كيف علاقة الشباب بالبنات,,,
انا ريلي قالي ان في الكوفي كم مرة شاف بنات واولاد يالسين مع بعض,,,

وقالي ان اغلب البنات اللي هناك وااايد فري… جنهن سايرات عرس… وخبرني سالفة وحدة الله يستر عليها,,, اتخيلو خذت رقم واحد من الشباب اللي يدرسون هناك وسوت علاقة وياااه,, هذا من غير المواقف اللي تستوي في الكلاس,,,, وحركات البنات اللي ما اتخلص… والدلع والمياعه…

ممكن اتفيدوني بخصوص هالشي؟؟؟ ابا اطمن..

ميرة عيمان

اختي هذه جامعه بناها مواطن… مفروووض تشجعيين … وبنات الى رايحات العرس مو غريبه في كل مكان في جامعات المختلطه او غير مختلطه في المولات والحدائق كل مكان ..
مفروض ما ماتطلعواا عليها كلام
إذا خايفه على ريلج خليه يطلع بس حرام لو حد من خوات او امهات البنات الى يدرسون في الجامعه بيخرب صوره لهم عن الجامعه …

وعلى فكره الجامعه فيها ظوابط وااايد واايد مشددين ..

ولاتزعلين من كلامي والسموحه

بالعكس البنات المحترمات هن الاغلب في الجامعه لكن فيه القله القليله يمكن وينعدا عالاصابع يعني وبعدين البنت الي مب محترمه ممكن اتكون في اي مكان وحتى الريال اذا ما يهمه صدقيني مستحيل يصد او يلتفت لتفاهات وسخافات البنات الي من هذه النوعيه مهما كان

اعتقد الكلام مبالغ شويه

والزين والشين تلقينه ف كل مكان

لكن اذا تكلمنا عن اغلب البنات ف جامعتنا 98% من البنات محترمات والنعم فيهن

واليلسه ف الكفتريا بعد تلقينها ف كل الجامعات

والبنت اللي تسوي علاقه ويا واحد ولا غيره هاي مشكلتها نحن مالنا خص فيها

المحترم بيتم محترم لو مبين 100000 شخص غير محترم

والحمدلله جامعتنا فيها ضوابط وقوانين وكفايه ان صاحبها مواطن

والسموحه

انتو ليش حرجتو,,
انا ما يبت شي من عندي
هذا واقع نحن انعيشه,, والمفروض ما يكون فيه زعل,,,,

الصراحه انا ما ادرس في هالجامعه
بس احس الموضوع غلط ينحط اصلا
كيف اتقولين هالشي وانتي تعرفين انه فيها بنات ناس وحشيمات والزين والشين تراه في كل بنات
وانتوا يالبنات اي شي رياييلكم قالولكم اياه صدقتوه
اللي حاشم عمره تراه ما ايشوف هالاشياء الا اللي مدخل عمره ف وسط هالبنات يحس فيها