ابي ادخل معهد في دبي , بس ماعرف وين ؟
على العموم في معهد اسمة بيرلتز وايد اوكية بعد و عن تجربة بس واااااااااااااااايد غالي اسعارة مبالغ فيها الصراحة , و في معاهد وايد في دبي مثل " دايركت انجلش" اسمع انة زين … اتمنى اني افتدج
اختي المعهد ماعليه كلام لأن نظامه بريطاني
وكل الامتحانات تي عن طريق المعهد البريطاني لأنهم ييبونها من برع مب من البلاد
من غير هذا اذا امتحنتي التوفل او الpet فشهادتهم معترف فيها وتقدرين تتصلين وتتأكدين منهم عزيزتي
وانا اقولج هذا احسن معهد لا تطوفينه
وربي يوفقج
توكلي على الله وسجلي عندهم وان كنتي متردده استخيري فديتج..
ما عليهم كلام.. وايد بنات يوم كنا على ايام التقنيه الي مش فالحه في الانجليزي تروح هالمعهد وفي الامتحان تييب نسبه زينه..
وهالمعهد من اجدم المعاهد في دبي تدرين اتذكر قبل 7 سنوات يوم كنت على ايام الاول ثانوي المدرسه ودتنا رحله هناك وتمت ابلتنا الي كانت ادرسنا الانجليزي تمدح فيهم وتنصحنا ان نسجل عندهم ويوم دشينا انصدمنا كلهن شقر هههههههههههههه يعني انجليز حسينا اعمارنا في كوكب المريخ ههههههههههههههه..
ادري اني طلعت من الموضوع بس بغيت اخبرج انه معهد وايد جديم..
حتى انه معترف فيه من قبل الجامعات والكليااات..!!
نحن جامعتنا ما تقبل شهادة توفل ولا آيللس إلا من هالمعهد..!!
ودوراااتهم ما عليها كلام انا ربيعتي ماخذة دورة آيلس عندهم
.. بس جنه مختلط ^^
بالتوفييق عزيزتي^^
بس بنصحج نصيحة.. ادرسي في المعهد وطوري لغتج يوم في البيت… تابعي الـ CNN والـ BBC …
ولا تقولين مابا اتطالع اخبار الاجانب… محد مشتهنهم بس هنيه بتقوين الـ listening واااااايد
وبتمر عليج مصطلحات صح ما بتعرفينها من أول مرة… بس بالمتابعة بتتعلمين كلمات يديده…
واذا كنتي من النوع اللي يحب التلفزيون تابعي القنوات مثل one و MBC 4 و MBC Action
وحاولي ما تقرين الترجمة قد ما تقدرين…
هممممم.. انا مادري هنيه كيف النظام في المعاهد بس اسألي المدرسات اذا عندهم بنات Conversation Partner مجاني
يعني حد تسولفين وياها يوميا ساعة.. وبنفس الوقت تطورين الـ Speaking
بصراحة مادري شي والا لأ… بس يوم كنا في أمريكا كان عندنا .. وبصراحة واااايد تستفيدين .. لأنه في الكلاس المدرسة ما بتتفيج لج بروحج… بس يوم وحدة بتجابلج تسولف وياج وتصحح لج كلامج هنيه بيكون غير..
وبالتوفيق ان شاءالله