شخبارررررركم ؟
حبيت اخبركم عن تجربتي في عالم الريجيم ..
كنت مثل اي وحده تدش المنتدى تشوف مواضيع السمنه والنحافه .. تشوف اللي اللي تبا تمتن واللي تبى تضعف !! وكان هدفي اشل الكررررررررررشه واظعف ..
انا من النوع اللي متين من فوق .. مافيه ارداف وجيه بس فيه كرشة وماشي اي ملامح لخصر .. غير الزيادات اللي عالظهر ..
كنت اسوي ريجيم ما اكمل نص يوم اودره .. ماشي اراده ابدن .. اشوف الاجسام واقول ياليت ويا ليت .. بس ما اسوي شي ..
تعبت من كثر ما اشفط بطني فالاعراس والمناسبات وفي كلاسات الرياضه خخخخخخ
يتني ربيعتني تباني اشجعها واسوي ريجيم معاها !! قالت بنسوي معاه ال بي جي .. !
انا طبعن ما ترددت وافقت ع طول .. وسجلت ال بي جي وجم ع طول اليوم الثاني من الحماس .. بس شو صار ؟ هي ما سجلت تعايزت وانا قلت عاد دامني سجلت وعقيت 2700 تقريبا لازم احلل البيزات خخخخ ولا قلبي بيعورني عالفاضي .. !
وطبعن هالجهاز ما يضعف .. بس يساعد على اذابة الدهون ونحت الجسم مع الرياضه والريجيم ..
بديت فيه مع وزن 73 ونص كيلوجرام
ومع الجلسات والرياضه والريجيم اللي كان عبارة عن تخفييييييييييييييييف الاكل .. يعني كنت اتريق عادي اللي اباه واتغدا بعد اللي اباه عيش ولا صالونه بس كنت اخففففففف وايد .. وكيف اشبع ؟
انا بقولكم !
كنت اشرب 500 لتر ماااااااي اول ما انش .. من جيه احس مالي نفس اتريق وايد
ونفس الشي الغدااااااااا اشرب ماي عقب اتغدا .. اول ريدي اكون حاسه بالتشبع ..
صحني ما اترسه .. احط شووووويه واكل شوي شوي ..واذا ما شبعت ازيد شويه بس ماحط الاكل مره وحده في الصحن .. !
والعشا كنت اتعشى ع 7 او 7 ونص او قبل .. وعقب كنت اشرب ماي .. وعصير اناناس وفواكه ..
المهم شهر ونص تقريبا .. نزل وزني من 73 ونص لين 68 ..
لاحظوا اني كنت اكل اللي اباه وما احرم عمري .. هذا غير الكاكاو اللي امتع عمري كل اسبوع او اسبوعين ..
وفي شي بعد .. كنت مداااااااومه عالشاي الاخضر مرتين فاليوووووووووووم .. احس ساعدني وايد ع انه وزني تم ثابت …
يقولكم بعد هالشهر ونص .. تميت اخررررررررررربط اكل اللي اباه وبزياده بعد وما اسوي رياضه ..
بس وزني يسير 69 ويرد 68 .. !! 5 شهور يا ناس وزني ثابت وانا اكل اكل اكل … !
لاني ما نزلت بسرعه .. مال 20 ولا 15 فالشهر .. لاني ما حرمت عمررررررررررري من الاكل لاني كنت اتحرك من مكاني حتى لو ما سويت رياضه !!
ولانه عرسي جرب .. ابى اوصل لل 60
ف من شهر بعد بادية رياضه وتخفيف اكل … بس بعد اكل كاكاو وهالسوالف .. والشاي ما قمت اشربه مادري ليش خخخخ بس ناويه ارد له ..
من 68 بعد ثبات 5 شهور تقريبا .. الحينه انا 65 الحمدلله ..
ومب كل يوم اسير الجم فالاسبوع مره يمكن !!
الحينه ناوية مره ثانية ابدا اللي كنت اسويه ..
طبعن كنت احصل على دعم كبير من المنتدى وفي هالقسم ومن وايد خوات .. شذى الورد وسمووره ووااايد ..
وكنت اشارك فاليوميات وهالشي وايد ساعدني بعد .. ما قصرتوا يا بنات
وفي كتاب بعد انصح كل وحده تسير باجر مكتبة دبي للتوزيع وتشتريه .. اسمه أستطيع ان اجعلك نحيلة ..
يا بنات كتاب مافيه نماذج الريجيم ! بس فيه اسس كيف تخسرين وزنج صحيااااااااااا
والله مفيييييييييييييييييد وايد .. احيد قدمت سبيج عنه فالجامعه بعد يوم كان عندنا سبيج كلاس ..
حتى السير واااااااااااايد عيبه الموضوووووع ..
والله اني احبكم في الله واتمنى لو قدرت افيدكم لو شويه من تجربتي
ان شاء الله ناوية ابدا من يوووم السبت الريجيم مره ثانيه ومع رياضه لو فالبيت مال نص ساعه ..
منو بيكون معاااااايه ان شاء الله ؟
ولا تنسوني من دعواتكم الحلوة
وان شاء الله يثبت وزنج عند اللي تبينه
.
.
موفقه
اللي انتي تسوينه هو الصح.. احسن من الحرمان وقوم 20 كيلو فشهر
الله يوفقج ان شاااااااااااااااااءالله
^^ كل يوم بخبرج شو سويت
وانا بكون وياج انشالله وزني شرات وزنج خخخ حلوووو
وزني 65 ثابت من كمن شهر لان وقفت لارجيم بس تخفيف بسيط وانشالله اوصل لل 60 بنشوف منو بيوصل قبل هع
بس ابا اعرف كم طولج عزيزتي ؟؟
يارب تضعفين واضعف ويياااج يارب 
المهم ف الموضوع كله … الاراده تكون حديد
انا بعد ما استمريت على رجيم
بس حابه اشارك وياج يلين يوصل وزني على الاقل 60 انشاالله
وزني الحينه 70
شو رايج؟