السنه بنتي خلصت الثانويه الحمد لله ويابت نسبة 94 %
بس مب عارفه شو تدرس او اي تخصص تاخذ
بصراحه انا ما اعرف وايد في مواضيع التخصصات
انا دارسه في جامعه الامارات وكانت التخصصات محدوده
الحين الجامعات وايد والتخصصات وايد
وبنتي مب عارفه تختار شي
اول قالت طب
واباها تدرس في جامعة لوتاه
اللي عندها فكره عن دراستهم ومستواهم تخبرني
عقب قالت بختار اخراج تلفزيوني
!!!!
بعد وافقت
وعقب غيرت رايها
عقب قالت بدرس علم التشريح الجنائي ( وايد اتشوف افلام اجنبيه بوليسيه )
.gif "12 (80)")
بصراحه انا رفضت ( لوعة جبد )
يعني بنتي مب عارفه تحدد او تختار شي تدرسه
الجامعات وايد والتخصصات مختلفه
اللي مرت بنفس التجربه تفيدني كيف اقنعها خلاص عقب رمضان الدراسه وهيه ميلسه
ولا سجلت ورباعتها كلهم سجلو
خبروني عن التخصصات اللي ممكن اقنعها فيها
ولا تقولون لازم هيه تقتنع هيه ما تبا اي تخصص فيه math
متعقده منه
وبعد قالت انزل مشكلتها في المنتدى يمكن تحصل حل
وانا احصل حل لها بعد
اليوم غيضت عليها قلت لها لو ما اخترتي تخصص اول معرس يدق الباب بنزوج اياه
جان تزيغ
امممممممممممم
دام السالفة فيها ماث لا تخليها تقرب صوب تخصصات البزنس ^^
بس دامها تبى تدرس علم التشريح الجنائي خليها تدرس
هي بتقابل لوعه الكبد خخخخخخخخخخخ
و من رايي بعد الهندسه بانواعها مطلوبه فالدولة
بس دراسة الهندسه فيها ماث بعد
و الله احترت شو اقولج خخخخ
ربي يوفقها و تلاقي التخصص اللي بترتاح له
المشاركة الأصلية كتبت بواسطة حـ uae ـلا 
امممممممممممم
دام السالفة فيها ماث لا تخليها تقرب صوب تخصصات البزنس ^^
بس دامها تبى تدرس علم التشريح الجنائي خليها تدرس
هي بتقابل لوعه الكبد خخخخخخخخخخخ
و من رايي بعد الهندسه بانواعها مطلوبه فالدولة
بس دراسة الهندسه فيها ماث بعد
و الله احترت شو اقولج خخخخ
ربي يوفقها و تلاقي التخصص اللي بترتاح له
هههههه
هلا الغاليه
شاسوي حيرتنا وياها ما تبا اي تخصص
وعن الهندسه قالها ابوها قالت فيه ماث وما رضت
وقالها ابوها ادرسي ديكور ما ادري شو التخصص والله ابوها يعرف اكثر فهالسوالف
لانه دارس برع بس بع ما رضت
اطوف الايام ولا سجلت اي جامعه مع انه التقنيه يبونها لانه معدلها مرتفع
وهيه تذاكر من الخاطر الا تذبح عمرها
تقول ابغي دوم التميز ما ابغي افشل في اي تخصص اختاره
مشكله هالبنت
ومشكوره على الرد
المشاركة الأصلية كتبت بواسطة omfalah آمين
ويزاج الله خير الغلا
من غير باقي المميزات ….هذا رااأيي
المشاركة الأصلية كتبت بواسطة المياسه 2 هلا الغاليه
شاسوي حيرتنا وياها ما تبا اي تخصص
وعن الهندسه قالها ابوها قالت فيه ماث وما رضت
وقالها ابوها ادرسي ديكور ما ادري شو التخصص والله ابوها يعرف اكثر فهالسوالف
لانه دارس برع بس بع ما رضت
اطوف الايام ولا سجلت اي جامعه مع انه التقنيه يبونها لانه معدلها مرتفع
وهيه تذاكر من الخاطر الا تذبح عمرها
تقول ابغي دوم التميز ما ابغي افشل في اي تخصص اختاره
مشكله هالبنت
ومشكوره على الرد
خخخخخخخ حليلها
اممممممم
عيل خليها تشوف الانجلش ايديوكيشن ^^
الدراسه فيه ممتعه يقولوا
و دامها من الدحيحات ما شاء الله عليها
ان شاء الله بتكون معلمة ناجحه
و تدريس الكلية حلوو بعد
و ان شاء الله لو درست و اتخرجت من الكلية
بترد و بتشتغل مدرسه عندهم ,, يبو مواطنات الحين
و ربي يوفقها