بنتي والبلغم ساعدوني الله يرضى عليكم :( 2024.

هلا خواتي

بنتي عمرها 16 يوم من اسبوع وهي فيها زجام وعقب زاد عليها لين ماياها بلغم ? تشرب حليب و? ترقد وكله اتزاوع ولو حتى تشرب حليب ما اروم اجعدها عشان البلغم والغازات يتم ف بطنها وعقب بطنها ينتفخ عليها وكله اتم اتصيح وديتها المستشفى مرتين وعطوني قطور مال الخشم وقالولي مانروم انسويلها شي لنها صغيره .. ف اللي تعرف كيف اخوز البلغم ياليت اتخبرني او اللي تعرف دكتور اطفال فنان ويقدر يعطيني الدواء اتخبرني بليز لني وايد تعبانه وياها

ليش 4 داشين و? رد

الغاليه معظم الدكاتره مايعطون ادويه .. بس نصيحتي لج حطي على صدرها وظهرها زيت زيتون دافي ودايماً خليها دفيانه عشان البلغم يذوب ..
وبعد الحليب دسعيها بالعكس لما تمسحين على ظهرها وهي على كتفج يتحرك البلغم ..

والله يعينج احس صعبه زجام بهالعمر الله يعافيها ان شاء الله ..

تعرفين انا بنتي الحين سنتين وشي ولا محصله علاج للبلغم تعبت وياها من عمرها شهر … ما خليت دكتور عقب الدواء يرجع كانه ماصر شي الله يعينا والله يغمضونا اليهال..

يالله يعني شو اسوي الحين

بالليل دهنينها بزيت سمسم دافي خصوصا صدرها وقمطيها عدل واذا شفتي ان خشمها متسكر حطي من حليبج في خشمها وابتعدي عن الحليب الصناعي يزيد البلغم
جربت زيت السمسم مع بنتي والحمدلله فاد وياها وايد وخف عنها البلغم

الله يشفيها