اذا تعرفون علاج طبيعي بليز خبروني
واذا تعرفون اي عياده زينه في راك او الشارجه او دبي بليز خبروني
او زيت زيتون و مسمار ناعم ولفيه بشاش ولبسيها زلاق
انا بنتي بعد من كمن يوم الحين مزجمه وبلغم ,, وتساعل فديتها ..
تنش الصبح تساعل يتيمعلها البلغم ف صدرها ..
بس احطلها قطور نورمالين ف خشمها …
الاخت اللي قالت حطيلها فكس ,, تقصدين فكس الاخضر ؟؟
عادي لليهال ؟؟!!
اللي اعرفه مب زين لليهال اقل عن 3 سنين ..
الله يعافي كل اليهال يا رب ويبعد عنهم كل شر ..
أحسن شي للبلغم اللبان العربي يتودن طول الليل بدبة ماي وتشربين الياهل منه
أنا أودنه بدبة ماي صغيرة سبورت وأعطي بنتي تشرب منه طول اليوم ولليوم الثاني
والله يعافي الجميع
جربيه وخبرينا النتيجة
وانا حطيت لها وصفة المسمار ويا الفكس …وانا شاء الله تخف عنها الكحة
ومن باجر بعطيها الماي مال اللبان
مشكورات وما قصرتن
ولدي فديته احين من يوم الجمعه اللي طافت وهو يسعل و بلغم و زجام ..
صج أحس انه قلبي يتقطع عليه يوم أسمعه راقد ويسعل ^^
و الصبح يوم ينش يتم يصيح علشان ما يسير المدرسه و عقب يرجع من البلغم طبعا ^^
والله يغمظني بس غيبته يومين عن المدرسه وأمس راح !!
فركته بفكس لين ما قلت بس .. مع اني ما اداني ريحته لكن كل شي يهون علشان ولدي لكن ما اشوفه خف !!
أعطيه عسل أكثر من مره في اليوم .. و حتى مذوبه حقه في دبه ماي عسل مع ماي ..
بس عاد الصغاريه تحت السنه مب زين حقهم العسل …
عمتي تقولي اليوم عطيه ينسون مع بابونج .. بجربه باجر ان شاء الله ..
الله يعافيهم يا رب ..