امهات… ابيكم تفيدوني مع بنتي عمرها صار 3 سنوات ونص وماقدرت ادخلها روضه دخلتها حضانه اهي واايد متاخره بنطقها يعني تتكلم بس كله خرابيط ومن بين بين نفهم شو اتقول مرات انا افهم غيري مايفهم بحكم اني تعودت عليها مرات لا يعني تحط كلمات حذال بعض بحسب ماتبي تشرح اهي شو تبي فيفهم كلامها لكن مايكون صح اميه بالميه
احسني ظلمتها وايد تاخرت معاها بكل شي وانشغلت بحمالي الثاني حرام اللي بعمرها داشين روضه واهي حضانه مديره الحضانه قالت ادخلج اياها روضه اولى لكنها بتتعب معانا خاصه عندنه كتب ودنيا واحتمال كبير تخلينها اتعيده فقالت دخليها حضانه بالبدايه تتعود على كل شي وتتدرب ( بنات بنتي للحين تلبس حفاظات ) موراضيه تتعلم .. فقالتلي صعبه ادش روضه اولى وراح يصير كل شي صعب عليها
اهي واايد دلوعه ومدلعه الصراحة من ابوها مايرفض لها طلب وظل فتره معاها يكلمها مثل ما اهي تتكلم ولمن تسولف يرد عليها كانه فاهم عليها واهي تندمج بخرابيطها
الحين بس ها الفتره اهي اتابع طيور الجنه فقامت تردد بعض الكلمات طبعا فيه منه مفهوم فيه نص حروفه ضايعه
الحين اباكم تفيدوني بمكان برااس الخيمه خاص بعلاج التاخر بالنطق..قولولي وين اروح عند منو؟
من زمان قريت موضوع لاخت نصحوها تروح مستشفى صقر عشان يعطونها تحويل لمستشفى دبي فيه تخصص علاج النطق انزيين وين اروح في صقر عند منو اي صوب اي عياده؟
ابي حد مختص يقيمها يقولي وين المشكله؟
منو جربت وين رحتوا وشقايل صار وضع بنتها او ولدها..
منتظره ردودكم وشاكره لكم
حبوبة … بنتك طبيعية مافيها شي ان شاء الله .. ومو محتاجة اخصائي … محتاجة شوية اهتمام وجهد منك … وانتي ذكرتي اسباب تأخرها بالنطق .. وحتى تأخرها بتعلم دخول الحمام … منها انشغالك بالحمل … وابوها لانه كان يكلمها مثله 
… وكمان لأنها أول طفل
دام دخلت حضانة … انتظري عليها فترها … وبتلاحظي ان شاء الله تحسن في نطق الكلمات … وشوي شوي راح تقول كل شي بالفصيح ان شاء الله
افضل انك دخلتيها حضانة … مافيها شي حبيبتي … لسى صغيرة … خليها تندمج مع الأطفال وتتعلم معاهم
انا ولدي مع انه كان عنده اخوانه اكبر منه .. وكلهم يتكلموا .. لكن اتأخر بالكلام .. كان كلامه كله خرابيط ( احب هالخرابيط …. والحين ماشاء الله عليه يقول كل شي … حتى نستغرب من فين عرف الكلمة
في اطفال يخزنوا الكلمات لفترة طويلة … وبعدها يتكلمون مرة وحدة
والله يحفظها لك
.
.
.
المشاركة الأصلية كتبت بواسطة جنان** 
حبوبة … بنتك طبيعية مافيها شي ان شاء الله .. ومو محتاجة اخصائي … محتاجة شوية اهتمام وجهد منك … وانتي ذكرتي اسباب تأخرها بالنطق .. وحتى تأخرها بتعلم دخول الحمام … منها انشغالك بالحمل … وابوها لانه كان يكلمها مثله … وكمان لأنها أول طفل
دام دخلت حضانة … انتظري عليها فترها … وبتلاحظي ان شاء الله تحسن في نطق الكلمات … وشوي شوي راح تقول كل شي بالفصيح ان شاء الله
افضل انك دخلتيها حضانة … مافيها شي حبيبتي … لسى صغيرة … خليها تندمج مع الأطفال وتتعلم معاهم
انا ولدي مع انه كان عنده اخوانه اكبر منه .. وكلهم يتكلموا .. لكن اتأخر بالكلام .. كان كلامه كله خرابيط ( احب هالخرابيط …. والحين ماشاء الله عليه يقول كل شي … حتى نستغرب من فين عرف الكلمة
في اطفال يخزنوا الكلمات لفترة طويلة … وبعدها يتكلمون مرة وحدة
والله يحفظها لك
.
.
.
ربي يخليج ويحفظج ويحفظلج عيالج
اختي كلامج وااايد طمني و انا اليوم رحت حضانه بنتي وكلمه المديره ماتصدقيني لوقتلج كلامها نفس كلامج الحين تطمنت اكثر ونصحتني نصايح وايد وان شالله امشي على كلامها وكلامج اهي فعلا قالتلي يبيلي اعطيها اهتمام ووقت اكثر ولا اقارنها بغيرها واتقبل اي شي تتعلمه واشجعها واحسن شي اني وديتها الحضانه
مشكوره وايد وايد
المشاركة الأصلية كتبت بواسطة أم يوســـف الله يوفقج ام يوسف
ومشكورات خواتي اللي ردوا عليي ع الخاص
الله لا يحرمني منكم
عن تجربه
الله يحفظها لج يارب