بنتي وعقدة السبوح 2024.

السلام عليكم ورحمة الله وبركاته

بنتي فديت روحها عمرها سنة وثلاثة شهور:22 (30):
لكن مشكلتها ما تحب السبوح.
تحب تلعب في البانيو مع الالعاب بس
من تحس إني حطيت الشامبو علي راسها
يااللللللللللللللله ينزلن زيارينها وكله تمسك
في تبا تطلع وانا أحاول إني ألهيها بس ما في فايده
والله أنا والخدامه نمسكها وبعدنا موب قادرين
عليها ماشالله.

والله موب عارفة شو أسوي وياها

الله يعينج كوكو شانيل………. انا بنتى كانت تسوي نفس الشى صياح وحشره وقت الشامبو ..بس يوم كملت سنتين وشوى ..قمت اعطيها فوطه صغيره تحطها على عيونها ….واخليها ترد راسها على ورا بحيث الماى ما يسيل على ويها………والسموحه.

شكرا الغالية جواهر على المرور
أنا أقول بعد يوم بتكبر شوي يمكن يخف هالينان اللي فيها
صرت اسبحها مره في الاسبوع من كثر المعاناة اللي أشوفها.

ههههههههه
فديتهم اليهال…عليهم سوالف عسل…
ولدي العود 3 سنين و 9 شهور الحيه اونه يخاف من الشامبو بس اقوله غمض واغسله بسرعة….
يمكن بنتج من النوع اللي يحبس نفسه يوم ايي الماي على ويها!!!!! تراه حد من اليهال يتحرى الماي يخنق!!!!!
انتي ابتدي غسلي الجزء اللي ورا من الراس وبعدين اغسلي اللي جدام بس على طول امسحي الماى بيدج عن ويها عشان ماتخاف…..جربي هالطريقة وان شاالله ينفع وتنفع وياها…..

السلام عليكم ورحمة الله وبركاته
صراحه بنتي بنفس عمر بنتج بس تموت بشي إسمه سبوح ملعوزتني:1 (29):
بس تعرفين يوم بتغسلين شعرها حطي إيدج على يبهتها ورشيها بالما شو شو بتتعود إن شاء الله:22 (20):

عاااااااااد سامحيني ماعندي عيال وماعندي خبره في هالسوالف

وربي يعينج الغالية………ويهدي بنتج أن شا الله…….

الغالية الميانة..
الله يخليلج ولدج .. صح بنتي تحبس نفسها يوم إيي الماي على ويها.
بس أنا أبدى أغسل شعرها من ورا. وأحاول ما أخلي الماي إيي على ويها.
لكن ما في فايده شكلها بنتي تعقدت.

الغالية دمعة صادقة..
بنتي فديتها شكلها خلاص تعقدت.
والله أحاول أنه الماي ما إيي على ويها بس ما في فايدة. من تشوفني فتحت
الفوز ولا تسمع صوت الماي….تتخبل.

الغالية المخملية ..
شكرا الغالية على المرور ..والله يرزقج الزوج الصالح والذرية الصالحة.