بنتي و المنطقة الحساسه !! 2024.

هلا خواتي

بنتي اللله يحفظها بتكمل 3 سنين شهر 12 ..بس في موضوع و ايد متعبني معاها

من بدت تكتشف جسمها ..اكتشفت المنطقه الحساسه

وايد قريت مواضيع ..و طبقت كل اللي قريته ..بس للاسف دوم اديها هناك تنتهز اي فرصه

عشان اتحط ايديها ..و مرات تنتدس عني لانه تعرف انه هالموضوع ما يعيبني

مب عارفه شو اسوي معاها عشان تودر هالعاده ..و الله هالسالفه وايد متعبتني نفسيا

ابغي لها حل ..

حاولي تفهمينها انه هالشي مب زين

الهييييييييييها باي شي كل ما تحط ايدها بدون ما تحسسينها ان هالشي يضايقج لان اليهال دوم جي كل ممنوع مرغوووب عندهم واييهم فضوول زيااااادة يكتشفون بالسر

حاولي ما تحسسينها ان هذا الشي يضايقج
وخليها اتحط ايدها يمكن فترة وتعدي
لكن أخا ف اذا منعتيها تطول الفترة أكثر

أنا عانيت من نفس المشكلة والحل بسيط جدااااا
طنشيها ولا كأنها سوت شي ومن تبدأ تحط ايدها كلميها أو قولي لها قصة
أما تقعدين تعيدين وتزيدين معاها بتنبهينها لشي

أختي
بنتج الحين كبيرة
يعني لو رمستيها بتفهم
لا تعصبين عليها
بالعكس يوديها بينج وبينها
وفهميها انه هالشي عيب يسوونه
ولازم تستر عمرها عسب محد يشوفها
لانها يوم بتسوي جذيه بيشوفونها الناس
وقولي الها تبينهم يشوفونج ؟
علميها من الحين
ودوم كرري عليها هالرمسة انه هالشي عيب
وصدقيني بروحها مع الايام هيه بتقول لج هالشي عيب