بنت اختيه وسالفه الزوااااااج .بلييييييز ابا رايكن ونصيحتكن 2024.

اشحالكن عساكن بخير

انا مشتركه من فتره فالمنتدى بس م كنت اشاااارك وايد بس اشوووف المواضيع

المهم ما بطووول عليكم

اليوووم يايه اقولكم قصه بنت اختيه عمرهااا 19 سنه وخطبهااا ولد عمتهااااا

طبعا الي ما شافوهم ولا عرفووهم الا قبل فتره من قالوا ياين يخطبوووووون بنت اختيه

انا عارضت ان بنت اختيه تاخذه لان وايد اسباب شفتها انها ما تنفع حقه

بخبركم الاسباب وبليييييييييز ابا رايكم اذا كنت غلطااااانه او لا

اول شي قبل فتره يوا عند اختيه فالبيت وتقهووووا وقالولهم ان نحن نبا نشل بناتج عسب يشوفووون يدهم ف بوظبي

واختيه قالت اوكيه ما عندي مانع دام ابوهن بيسير عندهن …طبعا ساروا كلهم (ريل اختيه -بنت اختيه العوده والصغيره وبس)

ومن كلام بنت اختيه انها جانت يالسه مع خواته في الميلس وياها من وراها من دووون ما تعرف وجان يشل الشيله عن شعره وشافها وبنت اختيه قامت وقالت شو هالمصاخه وتمن خواته يضحكن ع الموقف ….. رجعت بنت اختيه لبيت وخبرت امها واختيه ما قالت شي بس قالت ما راح تروحين مره ثانيه عندهم

وبعد فتره قام هالريال وخطبت بنت عمتها بنت اختيه يعني هي بنت خالته بنفس الوقت وشافها وشافته واتفقوووا ع الملجه وطبعا الملجه هب فالمحكمه
المهم البنت تعدلت ولبست فستانها وتزهب عسب من يملجوون دايركت يسوون الحفله
وحليلها البنت تترياااااااه والاهل يتريووونه وبعدين جان يدقوون حقه قالهم والله ابويه ما خلااااااني اتزوج بنتكم عااااد البنت انصدمت والجيرااااااااان قاموا يرمسوون عن البنت ليش وشو السبب الي خلاه يودرهااا

بعد شهر من السالفه يا حق بنت اختيه هو وامه بس وقالوا لاختيه وريلها ان يبوون بنت اختيه حقه واختيه فرحت عسب ان هالريااااااااااال عنده خير والحمدالله واختيه حالتها ع قد حالهم وتخيلوا يقول لاختيه والله البنات الي ويايه فالدوااام يموتن عليه وحتى 4 منهن عرضن عليه الزواج بس انا ما با من هاللوووووووث ابا وحده محترمه

اختيه قالت ان يمكن يعيش بنتها ف راحه ويعيشهم هم بعد ف راحه وبنفس الوقت قالت خايفه يكوون مب اوكيه
صح ع فكره جان خاطب قبل بنت عمه لمده سنه وبعدين ودرها ولا طاعوا يخبرووون السبب
المهم انا نصحت اختيه انها تروووح لبنت عمه هذي وتقولها ليش ودرهاااا يعني اتيبها بطريقه حلووه وقلتلهاااا تساله ليش رفض بنت خالته ف ملجتها بس اختي الثانيه قالت سكتي احينه بيقولووون انج تغارين ليش بنت اختج عرست قبلج وانتي اكبر عنهااا وجااان اسكت واخلي الكلااام ف قلبي

بس ما طاعت قالت عيب عليه اسالهم بيقوولووووون نحن اهل وانتم تسالون الناااس من ورانااا

هاااي السالفه قبل رمضاااان قال لاختيه انه بيملج بعد العيد لانه الملجه بين العيدين هب زينه

ومن يا رمضاان فالعشر الاواخر قال والله انا ابا املج احينه بس مب زين فالعشر الاواخر

ومن هذاكي اليوووم لين امس ما شافواااا لا اتصاااال ولا شي منه الا اخته فالشهر تطرش مسج اليمعه

وفالعيد ياها وعطاها 500 وسااار جنها البنت تشحت منه يعني

واتصل فيه ريل اختيه يتنشد عن اخبااااره ومن باب الواجب قاله تعال عندنا جان يرد عليه والله المناسبه ما يااات عسب ايي بيتكم وحلف ع اختيه م اتيي بيتهم اونه قالها اخاااف يووم تشوفين البيت ما يعيبج وما تزوجيني بنتج واختيه ع نياتها قالت وحليله يبا بنتي باااي طريقه ويخاااف اي شي يغير رايي

والله يابنااااااااااات انا خايفه ع بنت اختيه لانها صغيره واحسه ما يستاهلهاااا وهي ماشاااء الله عليهااا ملكه جماااااال الف واحد يتمناهااااا

بس شو الحل برايكم انا غلطااااااانه من نصحتها انها ما تاخذه

جتى قلتلهااا صلي صلاه استخاااره بس قالت كيف يعني بحس والا شو بضبط من اصلي سمعت حرمه اخويه تقولهااا انا حلمت اني اشتري ثياااااااااااااااااااااب وجيه وتمت تردد اذا حد سالهاااا تقوووول
هيه الحمدالله احس اني مرتاحه وحلمت اشتري ثياااااب يديده وبخووور و و و

تعرفووون هي امها قالت اخاااف اني اظلمج وياه واقولج فكره دام ما صاااار شي برد عليهم ان مالهم نصيب قالت لا انتي مالج خص انا اباااااااااااااااااااه ومابا حد غيره كل ربعاااتي بيعرسن وتبيني انا اتم جيه واتم تغلط ع امها الله يهديهااااااا

ابا رايكن فديتكن والسموحه اذا طولت بس والله اتم افكر بهالموضوووع وايد