بنت الصغيرة تسهرني كل ليلة للفجر ,,شوفولي حل؟؟؟ 2024.

والله أني مو مرتاحة كل ليلة سهر للفجر و مرات لين يروحوا أخوانها للمدرسة, شو الحل ,,و طبعا سهرها كل بسبب المغص شو الحل مه مغص الأطفال؟؟؟؟؟

دلكها بطنها بزيت زيتون وبعدين بنكاش الأذنين غمسيه في زيت الزيتون وببطىء دخليه في فتحة الشرج وبطريقه دائريه بتصيح وبتتوتر شوي لاتخافين شوي وبتطلع الغازات والخروج مالها بتلقينه متروس فقاقيع بعدها سبحيها ولفيها وخفي عل المكيف وبترقد ها الطريقه إتبعتها مع عيالي كلهم وأنا عندي ماشاء الله 5 .
وكلهم أنظم نومهم خلال أول عشرين يوم والحمدلله لين يكبرون يرقدون من وقت وينشون من وقت بس أنا إللي أرقد متأخر وأقوم متأخرخخخخخخخ أم خربانه خخخخخخخخخ
وإذا تبين طريقتي في التنظيم خبريني بس وأنا حاضره أنا مانزلتها عشان ما أكثر رمسه تراني هذربان وايد.

هذي الطريقة خبرني فيها الدكتور عبدالعزيز الله يرحمه وفعلا طريقة تريح الطفل

الله يرحمه

لا تعودون عيالكم على هاي الطريقه ووالله مب زينه تعود الطفل انه ما يسويها الا اذا دخلتوا له عود الاذن
انا انصج الغاليه تشربين البنت سنوت مرتين او ثلاث في اليوم صدقيني بترتاح
سويلها اياه على طريقة الشاي و حليه بالسكر وشربيها اياه بالمرضعه بتشوفينها ترتاح في رقادها بطريقه ما تتخيلينها ودلكي لها فوق المثانه بزيت الزيتن وحطي وساده بعد التدليك تحت ريولها بتلاحظيها تطلع الغازات بسهوله وتراتاح من المغص اما الزيت زيتون مع عود الاذن ما انصح فيه الا في المراحل اللي صدق تكون متأزمه وما يتكرر دايما

بدل نكاش الاذن كلينكس تسوية مثل صلب ما الاذن احسن من نكاش الاذن نفسه لانه ممكن القطنة تدخل وما تطلع

نصيحه..

استخدمي دوا فالصيدليه اسمه دونتينوكس… للغازات انا كنت اخس عنج اتم واصله بالايام مب الا سهر واخر شي الحمد لله استعملته ولين الحين بنتي بتكمل سنه كل كمن يوم اعطيها

بقولج على شي بس انا ماجد عطيتة عيالي لاني مادورت عليه …… وهذا عرفتة من كم حرمة ايرانية .. وبعد دكتور

القحطاني تكلم عنه……..واسمه خيار شنبر وانها دوم يعطونة عيالهم من ينولدون ……. وهذا بس اللي اعرفة