ان شاءالله البنات ينفعوونج
المشاركة الأصلية كتبت بواسطة سارة فهد 
خواتي ما بطول عليكن
انا وربيعتي هاذي السنة الثانية لنا في الجامعة بس من هالسنة بندرس جنرال
وعندي كذا سؤااال
أولا
ومنزلين الجداول … بس هي جدولها يبدا من الصبح وانا من الساعة وحدة
ســـؤاااالي >>> نقدر نغير أوقات الكلاسات ؟؟.. لانه انا وهي حصلنا شغل بس الفترة المسائية ..
هي جدولها 3 ايام من الساعة 9ونص ليين 3 .. ويومين من 12 ونص لييين 5
الحيييين … هي تقدر تاخذ كلاسات ورى بعض بحيث تخلص كلاساتها بسرعة عشان نلحق عالشغل؟ الشغل مقدوور عليه نرووح وقت ما نبي .. بس نحن نبا نخلص الشغل من وقت عسب ما نطوول لين المغرب برع البيت
وفي حال هي قدرت تعدله … اقدر انا بعد اغيره واخليه فالفترة الصباحية و بعد اخليه يخلص معاها.؟؟
اولا ..
اختي صعب تغيرون الجدول كامل بكبره لان الجامعة مقسمه الدوام ع 3 اوقات حق الطلبة
ومبين انج انتي pattern A واربيعتج B وهذي الصعوبة وطريقة تغييرها يكون بينج وبين وحدة هي تبي تبدل وياج ..
لكن في حال انكم تبون تغيرون كلاس او كلاسين عادي بس الاوقات وايد صعبة
ثانيا
انا وهم منزلين لنا في الجدول اممم مادري يعني مب حاطين المواد .. هاللي كاتبينه>>> COL و MTH
اختي هذي كودات المواد
وكلمة COL هو اختصار للكولوكي
وال MTH اختصار لكلمة ماث
سؤاااال >>>> ممكن تخبرووني الموااد ؟؟
وفي شي مب مفهوووووم
في كلاسات مب حااطين لها مكان الكلاس .. جي كاتبين
1530-1650
COL-145-531 (21208)(1)
[3 CR]
Mingyan Hong
–
اوكي الكلاسات للحين مانزلوها تريي لين تاريخ5
بس باجي التفاصيل موجودة ماعدا الكلاس
و اااااااااااخر شي … بحط لكم اسامي اللي يدرسووني و يدرسووون ربيعتي و بغيت رااايكم في كل وحدة و واحد ..
و عساااااااااااااااكم عالقووووووووووووة
Rima Sabban
هذي مالت القلوبال هالسنة بدرسني
Angela Skuba
ماعرف
Ibrahim Rahimov
ماعرف
Kimberly Bunts-Anderson
AbuBaker Ibrahim
Michelle Elghardgui
Atteya ElNoory
هذا وايد فنان وطيب وفيلسوف ومحترم كلاساته كلها نقاش ومايكرف مووول ويقدر ظروف البنات بيدرسج عربي
Mingyan Hong
Patricia Wardeh
اربيعتي تقول عنها زينة بس والله ماعرف
Sussane Kranz
هذي درستني وبصراحة من اكثر وحدة انا احبها وايد وايد وايد حبوبة وطيبة بتدرسج قلوبل وبتساعدج في كل شي وتعطي درجات ومحترمة لابعد درجة
يمكن ع اول اسبوعين جي مابترتاحين لها كون المادة دسمة وفي اول الايام مابتفهمين شي
بس مع الوقت بتتعودين عليها .. انصحج عندها
ان شالله قدرت افيدج واي سوال تفضلي
ونفس ما قالت ترومين تغيرين الاوقات بعض الكلاسات في حاله كان شي سبيس متوفر ولو تبين تغيرين
من اول يوم دوام سيده عند الاوفيس مال الادفايزر مالج ع راسه او راسها لين تغير لج لانه من سبق لبق
Rima Sabban
ريما مال القلوبال
هيه حبوبه وطيبه واحسن شي فيها هيه عربيه >> التعامل ويا المدرسين العرب ويا اخير عن الاجانب
ترتاحين لهم وايد الحمدلله
في بنات ما يمدحون شرحها وايد بس احسن عن وايدين غيرها هيه ما درستني بس كل حد خبرني عنها
بس بقولج بالدرجات شدي حيلج بتنجحين يعني القلوبال يباله شي من اول باول وحفظ وهالسوالف
ولو ذاكرتي وكل شي بتنالين الدرجه اللي تبينها
Angela Skuba
انجيلا هاي اظني بدرسج ادفايزن هيه الادفايزر مالج – ما ادري في بنات كانو يحبونها اللي درستهم ادفايزن
بس ع فكره هيه تفهم عربي اظني لانه زوجها بحريني الموهيم
في بنات اللي درستهم انكلش قالو عنها كريهه شوي ونحسه بالدرجات عاد انا ما ادري وربعتي درستها ادفايزن
قالت عنها وايد طيبه بس اتعرفين في مدرسين يعني كوني وياهم زينه وما تطلعين من الكلاس وايد
وراح يحبونج ويحسون انج البنت الشاطره >> وايد منهم يحطون هالفكره في بالهم يعني
Ibrahim Rahimov
مال الماث هاه هوه طيب وزين وشرحه زين وايد بنات درسهم ومدحونه
Kimberly Bunts-Anderson
ممم يعني شو اقولج عنها
اول شي هيه شوي تكرف وايد واشياء مالها معنى احيدني انكلش 2 وانا بكلاس وربيعتي ادرسها هيه
تخيلي يعني اشياء ياخذونها وايد اوفر وكله عليها درجات ولو ما سويتيها عادي تنقصج يعني وايد تحاسب
ونحنا ما كنا نسوي هالسوالف موليه وفوق كل هاه ريحتها جكاره >> صدق بتلوع جبدج منها
نصيحتي حاولي تغيرينها
AbuBaker Ibrahim
هاه يديد اظني اول مره اشوف اسمه
Michelle Elghardgui
وبعد هاه اظني يديد
Atteya ElNoory
وعطيه نفس ما قالت عنه الروح وايد طيب وسوالف بعد =)
Mingyan Hong
ادرس انكلش هاي يقولون زينه وتعطيج حقج بالدرجات بس مشكلتها شوي دقيقه يعني
مثل ع الحضور و الغياب و التصليح شوي دقيقه فيه يعني تعرفين الجانيز واسلوبهم بس هيه زينه
Patricia Wardeh
بتريشيا مال الادفايزن وايد زينه وحبوبه درستني انا كرير بتحسينها شوي مخرفه ما تدري عن هوا دارها
بس وايد طيبه وتعطيج حقج من الدرجات ولو رمستيها تسمع لج
Sussane Kranz
هذي درستني وبصراحة من اكثر وحدة انا احبها وايد وايد وايد حبوبة وطيبة بتدرسج قلوبل وبتساعدج في كل شي وتعطي درجات ومحترمة لابعد درجة
يمكن ع اول اسبوعين جي مابترتاحين لها كون المادة دسمة وفي اول الايام مابتفهمين شي
بس مع الوقت بتتعودين عليها .. انصحج عندها
ونفس ما قالت الروح عنها =)
الصراحة توني فتحت اشوف الجدول مالي
ومتغصصه من ريما مالت القلوبل بتدرسني هالكورس وكنت ياية اسال
ووايد خايفة منها كنت بس الحين تشجعت
مشكورة اختي
وشفتــه والحــمدلله وآيد مستـآنسه عليــه
عنــدي يــومين اجـــآزه .. 
وانا في التخصص مب في الكولكوي
دعواتكن عزيـــزآتي