مرحبا عزيزاتي بقولكم عن رحلتي إلى بيلا روسيا أو روسيا البيضاء نحن سرن لها من سنتين تقريبا وبصراحة بلاد جميلة وآمان وايد وشعبها لطيف ما لهم دعوى بالناس إختى كانت منقبة ومحد ضايقها أو حتى التفت لها مع إننا كنا أول خليجيين فيها والبلد رخيصة سواء في السكن أو الأكل أو المواصلات بس مافيها تسوق يعني اللي يدور على تسوق لا يسير لها بس اللي حاب يسوي ريلاكس ويتمشى ويرتاح في الجو الحلو يسير وهي يسمونها رئة أوروبا لأنها تقع في منتصف القارة الأوروبية وفي العاصمة منسك أكثر من 40 حديقة جميلة للتنزه. الأولاد ما ضاقوا فيها بالعكس حبوها وكانوا يقضون وقتهم في اللعب في القوارب في البحيرة وسواقة سيارات اللعب ونحن قضينا وقتنا في التمشي والراحة فيها شقق رخيصة والفنادق أسعارها تقريبا مثل الإمارات بس فنادقهم مب راقية مثل الإمارات.ونحن سكنا في شقق وكنا نطبخ لأن أكلهم ما عجبنا بس فيه مطاعم للبيتزا والأكل السريع مثل مكدونالدز. والإمارات فيها سفارة لبيلاروسيا في أبوظبي من هناك أخذنا الفيزا.
مشكوره حبيبتي و ان شالله نزورها
مشكوووورة
نبا صور
هيه ختيه نبغي صور
ومعلومات اكثر
ومعلومات اكثر
إن شاء الله بحط لكم صور بس شويه على تراني مشتركة جديدة أبا لي وقت علشان أتعلم كيف أنزل الصور بس معظم الصور اللي عندي فيديو
ممكن تنزلين صور من تصويرج او من النت
واذا عندج صورها لازم تحملينها عشان يكون لها رابط تحطينه في المنتدى وتطلع الصوره