السلام عليكم ورحمة الله وبركاته
من فتره ابتديت الاحظ سواء فالردود او حتى من خلال رمستي ويا البنات
فالمنتدى انه في مشكله يعانون منها والسبب فيها ( بعض المواضيع او بعض العضوات)
للأسف بعض البنات لما يقرون مواضيع البنات فالمنتدى .. وعن سعادتهم في حيااتهم
سواء ويا أزواجهم أو أهلهم .. يحسون بالنقص و بشي خطير وهو ( عدم الرضا بالواقع
اللي يعيشونه ويا أزواجهم ) وهالشي ممكن يخلق لهم مشاكل فالبيت وممكن يؤدي
للطلاق .. لانها لما تقرى مواضيع البنات تقول ( فلانه بشو أحسن عني
وليش زوجها جيه وانا زوجي ما يسويلي شراتها؟؟) او ليش اهلها مهتمين فيها
وانا اهلي ما يهتمون ؟؟ وتبتدي تفكر وتفكر وممكن مع الوقت يتطور هالشي للحقد
على العضوات او الحسد وصدقووووووني والله ممكن يتطور هالشي لـ
( مرض نفسي)
وتبتدي تكره عيشتها وزوجها واهلها ..
انتوا ممكن تحسووون بالمبالغه فالموضوع بس صدقوووني للأسف العقلياات تختلف
في ناااس راضيه بنصيبها وفي ناس تتأثر بأي شي تقراه حتى لو كان ( مجرد جذب من العضوات
عسب يلفتون الانتباه )
المختصر ..
اللي تحس بهالشي و دوم تتأثر بالمواضيع .. لازم تفهم شي وااحد
عزيزتي . . ترى مافي شخص يشبه الثاني .. يعني ريلج انتي غير عن ريل فلانه ..
مب شرط تسوين اللي تسويه فلانه ومب شرط ريلج يسويلج اللي يسويه فلان . . انتي
تقدرين تحولين حياتج لـ سعاده وتكونين أفضل من اي وحده حتى لو كانت امكانيات
ريلج على قده وما يقدر يسفرج او يشتريلج طقم في خاطرج .. الخ مب شرط تقهرين البنات
وتنزلين مليون موضوع ( للاستعراض) .. أهم شي ( راحتج النفسيه ) .. حاولي تقنعين
نفسج بالواقع اللي تعيشنه وحبي حياااتج ولا تخربين حياتج بنفسج . .
لا تحسسين ريلج انج تبينه يقلد الغير لانه الريال ما يحب هالشي خاصه كلمه
فلان سوى لزوجته جيه وجيه وانت ما سويتلي شي . . هالشي بيحسسه
بالنقص وممكن يتغير عليج . . اذا سويتي هالشي بتحسين انج أسعد النآآس !
وربي يسعد الجميع ان شاء الله 
هو طرح بعض المواضيع لمواضيع من تأليفهم وادعاءهم لأشياء ما صارت بس عشان يستعرضوون
او يقهرون فلانه وعلانه . . وهالشي ليش باعتقادكم يصير؟؟؟ لانهاا يمكن تحس بالنقص
ونظريتج واقعية وفي بعض الاحيان بل اغلبها صحيحة مية بالمية
ربي يسعد ويوفق كل البنات
كلااامج صحيييييييح 100%
ونتمنى من الحريم ما ينزلون هالسوالف الي مالها دااعي
يعني حلو الوحده تنزل نصاايح ومعلوومات حلوه تستفيد كل وحده في حياتها
المشاركة الأصلية كتبت بواسطة شوشو_24 
ونظريتج واقعية وفي بعض الاحيان بل اغلبها صحيحة مية بالمية
ربي يسعد ويوفق كل البنات
آميــن
و نتمنى انه البنات يقتنعون بالكلام ^^
المشاركة الأصلية كتبت بواسطة عنوووني ان شاء الله