تأنيب الضمير .^_^ 2024.

الغاليه مب لازم كل مره تاخذين شي غالي خفي على الريل شوي هو طبعا مابيقولج لا لاتاخذينه عشان غالي
يعني نوعي في الاسعار شي غالي وشي رخيص..
والسموحه

انا يصير ويااي بس انا مب متزوجـه

تصير ويااي يوم تكون عندي الوالدة ..

اقول لها وديني المكان الفلااااااني ..وامبين عليها ما تبغي ترووح ..

بس تجبر نفسها وترووح ويااي مع اني اعرفها متى اي على مزاجها بتروح ويااي ..

والله مره سويتها سرت الفستيفل ستي ولا رجعت إلا بغرشــة ماااااااااااااي ..

وحسيت بتأنيب الظمير لاني تعبت امي ولا اشتريت شي >> ما عجبني شي <

بس اذا ريلج مقتدر وعنده الخير الحمدلله ..ما فيها شي اذا بين فتره وفتره تاخذين شي غالي ..

واذا ما بيشتريه لج من بيشتريه ؟!!

بس نصيحتــي ..اذا صدق الشي الي بتشترينه له فائده وغالي خذيه ..ولكن ماله فائده وغالي احسن تصرفين بيزات ريلج في شي انتي وهو تستفيدون منه وحزتها ما بتحسين بتأنيب الظمير ..

والله يوفقج

هلا بكم خواتي وتسلمن على المرور

الاميره تدرين انه من عرست للحين ماخذت لا خاتم ولا ساعه ولا قلاده ولاشي غالي

عشان جيه وانا عمري ما ثقلت على ريلي بالطلبات ولا طلبت شي مستحيل…

وتسلمين على رايج

مس uae

هي نفس الشي يستوي معاااي ريلي يصرف علي انا بس يعني الحمدالله ماشي حالنا

والشي الي في خاطري وابي اخذه هي ساعه وابي افصل فستان حق عرس بنت خالي

بس هالاشياء الي ابيها

انا مب من النوع الي يشتري اشياء واااايده وغاليه بدون فايده حليلي مقتصده

وتسلمين والله

انا بعد مثلج كم مناسبة تييني وابي اشتري شي وارد اقول لاحرام وعرف شو حتى لو فستا ن ب300 و500 وااايد احس بتانيب الضمير ووالاكسسورات من سنتين ماشتريت ابى افرفش نفسي لو خبرته مابيرفض لي بس مرات اقول مب لازم ويوم يكون حزتها الاقيه مشغول اويقولي ليش ماقلتيلي من اول وانا مب من النوع اللي كل يوم عباية وشيله وجلابيات والله اتم في السنة بعبايتين بس بس الشيل عادي اربع عسب ننوع في المناسبات اما النعال عادي اقعد سنه بنعال 2او3احس اني بخيلة مرات على عمري…مع ان زوجي مابيقصر

انا مثلج بالضبط

بس مب بس في الشرى في كل شيء

عادي لان فيه اشياء تستاهل ان يحس بتأنيب الضمير وهذا يخليج تراعين اللي حواليج
و تسامحين الناس واشياء واشياء وااايده

Al_Kindy سبحان الله نفس الشي بالضبط الي عندي يتم وااااااااايد وما اغيره

PinkyH هيه اختي اشياء معقوووله والله وانا دايما اراعيه في هالشي وخواتي دوووم

يقولن لي ليش ماتخذين لج خاتم او ساعه تستااهل اقولهم زين بعدين بس انا في خاطري

اتلوم اقول لا ما بي…!

الأصالة…هيه اختي انا في الشراء وفي معاملتي مع الكل يوم حد يغلط علي اقول انا بعامله

شرات مايعاملني بس يوم اشوف هالشخص ارد اقول لا حرام الدنيا مافيها خير وكلنا بنموت

باجر جيه اتم على طوووول

مشكورات والله على ردودكم انا ع بالي هالشي فيني انا بس

بس طلع معاااي انتوا

^_^