اتمنى تكونون بخير
هذي أول مشاركة لي
وحابة آخذ رايكم واستشيركم بخصوص xxxxxx كفالة يتيم
انا متزوجة وعندي طفل و ادرس ولله الحمد
وخاطري يكون عندي بنت بس صعبة بسبب اني ادرس وما اقدر احمل و اعتني في بيبي صغير من و إلى
فجات في بالي فكرة اني اربي طفلة تكون بعمر الأربع سنوات فما فوق أولا اجر وثواب ثانيا احقق الرغبة اللي في خاطري اني اكون ام لبنت
بس قبل ما اقدم على اي خطوة حابة اخذ رايكم في
اولا شنو ايجابيات وسلبيات من جميع النواحي علي وعلى اسرتي ماديا وعاطفيا واجتماعيا
ثانيا كم المدة اللي احتاجها عشان انهي الإجراءات لأني حاليا في بلد اوربي وسألتهم وقالوا من ست شهور الى ثمان شهور ويمكن اقل ويمكن اكثر
ثالثا شنو الضوابط اللي المفروض تنطبق على الشخص اللي يبي يكفل يتيم
انتظر ردودكم عزيزاتي
ومشكورين مقدما
/
الـغالية انا عندي تـعقيب بسـيط .,
الـتبني بـلفظته مـاهو مثل كـفالة اليـتيم .,
لـن بالتـبني الـمحرم يتبع الـطفل نسـب الاب .,
وما دام في بـلد اجنـبي فأظن هذا هـو الإجراء الـمتبع .,
انهم بيلحقـون الـطفلة باسم ريلـج وهذا غير جائز شرعـا" .,
عـدى ان هـ البنية يوم بتكبر ما يـجوز تتكشـف قدام ريـلج .,
وهـالشي صعـب اذا ما ارضـعتيها واصبـح بالـفعل ابوهـأ بالرضـاع .,
/
الأمــر فيـه نسـبة كبيرة من الـتعقيد .,
مادام ربي رزقـج بهـ الطفل احسـني تربيته او اصبري وهاتي له اخ او اخت .,
وان بـغيتي اجر كفالة اليـتيم .,
تـكفلي ببنية واصرفي عـليها وزوريـها ولبي مـطالبها .,
وربـي ان شاء الله بيرزقـج مصـاحبة النـبي صلى الله عليه وسلم في جـنانه .,
بس اللي استغربت منه مسألة الرضاعة وانها ما تكون حلال على زوجي طيب و ولدي كيف الوضع وشلون ارضعها مافيني حليب و راح تكون كبيرة ؟؟؟
اتمنى توضيح اكثر
لانج ما رضعتيها واصلاا بتاخذين بنت كبيرة في عمر ال 4 سنوات
من الناحية العاطفية
بتتعلقون في البنت وهي بتتعلق فيكم
كيف بتصرفين اذا كبرت وتركتي البلد الاوروبي ورجعتي البلاد
وين بتخلينها ؟؟
فكري في لحظة الفراق بعد عشرة سنوات كيف بيكون تاثيرها عليج او عليها و على الاسرة ككل .
استخيري قبل اي خطوة
مشكورة اختي بس اتوقع لو اني بقدم على هالخطوة ما راح اترك البنت حتى لو رجعت راح آخذها معاي لانها راح تصير مثل بنتي
بس صرت احاتي مسألة انها ماراح تصير من المحارم على زوجي و ولدي
بس مثل ماقلتي شكلي راح استخير قبل
انتظر ردود البقية