تجاربكم في :( التبريــد أو الكوي :( . مشكلة يديده !!!؟ 2024.

السلام عليكم ورحمة الله ..

من أقل من اسبوع .. كتبت كل تفاصيل مشكلتي في هذا الموضوع ..

https://forum.uaewomen.net/showthread.php?t=611139

وانا شاكرة لكل وحده رفعت معنوياتي وردت علي والله خواتي اتمنالكم كل الخير من قلبي وربي يرزقكم ويرزقني .. والحمدلله على كل حـــــــــــــــــــال ….

سبحان الله الوحده منا تكون بخير ومن تعرس تبددااا تنهاااال عليها اشياءءءء مانعرف حتى شو معنااهاا ..

في الموضوع اللي فات قلتلكم انه كنت اتريا الحمل بس نزلت عندي الدورة مع انها كانت متأخره بس ما طلعت دورة استغربت وترييت اسبوع ؟؟!! وبعد ما يت بدت الفرحه تتسلل قلبي وقلت اكيد حامل .. بس انا دم احب اقطع الشك باليقين ؟؟ وماخلي نفس في حيرة ..

وسرت عند الدكتورة .. وقالت لازم تحليل عشان اشوف إذا حامل ولالا طبعا انا هذا اللي كنت رايحت له خذت مني التحاليل وبعدين قالت لازم اكشف عليج .. وبعـــــــــــــــــــــــــــــــــــــــــــــــ ـــد الكشف ..

سألتني وطبعااا ريلي كان يالس فيسمع اسالتهااا وهي تسالني ..

اول شي قالته اوووووووووووووف عندج قرحه كبيــــــــــــرة ,..!!!!!!!!!!!!!! انتي كيف ما تتألمين ولا تحسين بهذا الشي اللي فيج .. وبعد شوي خذت مسحه مني وقالت بشووف وبعدين انتقلت بجهاز السونار وقالتلي ( في حد من اهــلج في سرطان من قبل ) !!!!!!! هني انا انصدمت والله حسيت الدنيا تدور فيني حتى ما قدرت اقولها لا من الصدمة ثواني وقلت لا وانا عيني تدمع احس ريلي نش من مكانه وقال شووووووووووووووووووو .. مع انه الدكتورة ما قالت شي مجرد سالت سؤال ؟؟؟؟ وعلى طول قالتلي خلاص قومي ابا تحاليل زياده ..

طبعااا انا تميت صاااخه ماتكلمت .. كله الكلام دار بين الدكتورة وريلي انا ما تكلمت تميت صاخه .. قالت عندج كيس ع المبيض كيف الدكاترة ماشافوووه قبل وانتي تقولين انه مافي دكتورة مارحتيلها المهم وقالت بعد عندي قرحه شديده بس انا فعلااا مب حاسه بشي قالت هاي القرحه لو تمت جي مع الايام تتحول سرطان عنق الرحم الله يبعد كل انسان عن هالامراض قولوااا آمين .. وقالت مب مبين لا حمل ولا دورة .. عطني دواء دافستون وتحاميل وبعض الادويه وقالت من تخلص الدورة لازم اسويلج

(تبــــــــــــــــــــريد اوو ما يسمى بالكــــــــــــــــوي ) !!!! طبعا انا ما عندي خبرة وماعرف هل هالشي بيفيدني ولا بيضرني وفيه دكاترة معروفين مثل حسنيه قرقاش ونفيسه الصيرفي قالولي مب قرحه فأنا مب فاهمه انا شو لازم اسوي احين .. قالتلي من عقب الكوي لازم اتأكد شو هالكيس واسويلج عمليه واشيله ..
المشكله الثانيه انه ثاني يوم نزلت علي الدورة بس ذبحتني من الالم والله ما عندت اتحمل الالم اشرب مراميه وقرفه وما خليت شي لا حبوب ما خذتهاااا وطبعااا انا متعوده على الابر كل شهر من شدة الالم بس قلت هالشهر خلااااص ماباخذ بتحمل بس والله مااااارمت حسيت روحي بتطلع .. وفي النهايه خذت ابره وبعد مااااا نفعت !!!!!!! استغربت انا كل شي كان منتظم عندي والحمدلله ماعرف شووو صار والله .. بس انا نفسيتي مب تعبانه بالعكس بس مجرد اللي فيني اني ابا القى حل للمشكله اللي عندي وابا اعرف هل اسوي الكوي ولالا واذا سويته عند منووووووووووووووووو اسويه ؟؟؟؟

انا محتايه تجاربكم مع الكووي ؟؟ اسوي ولا ما اسوي شو رايكم وفي دكتورة زينه تنصحوني فيها ..

انا بإنتظار ردودكم .. واسمحولي اذيتكم ويايه ..

الله يشفيج و يريح بالج يا رب

معاها حق كلامها صح
والدكتورات صارن اخررطي قامن يعقن عالواحد مرض قبل لا يتاكدن والله
انا اقولج هاي دكتورة كلامها فااااااااااااااااااااااااااااااااااضي
طبييها ولا ترجعين عندها لانها بتمرضج بكلامها
وروحي عند دكتورة غير

ماشي شر ان شاء الله
اطمنىىىىىىىىىىىىىى

واعليه عنج الله يعافيج
ردي سيري عند دكتوره شاطره تكشف عليج
وانشالله مايكون فيج الا العافيه

ان شاءالله مافيج الا العافية

سيري عند دكتورة ثانية تتطمنين اكثر

حبوبه اذا القرحه سيري عند وحده اوكي انا سويتها قبل ما احمل (القرحه تستوي من الالتهابات المزمنه والي ما تعالجت)
يعني عادي ما تعور بالعكس هي تمنع الحمل بس الافضل تعطيج تحاميل اذا ما نفع بعدين كوي بالثلج مش كهرباء
وبالنسبة للتكيس ما عليج من كلامها شو عملية على طول الناس يبدون حبه حبه ادوية ورجيم وبعدين زيادة الجرعه وعقب ابر واخر شي العمليه هاي شكلها تحب البيزات