تجاربكم مع الدعاء المستجاب 2024.

تجاربكم مع الدعاء المستجاب ( تجارب شخصية )
——————————————————————————–

السلام عليكم

كم نحن بحاجة الى كسب الحسنات ومحو السيئات

ولذا خطرت لي فكرة ان نشترك في كتابة تجاربنا الحقيقيه والصادقه مع الدعاء

كل من جرب اللجوء الى الله في موقف ما وبدعاء معين ووجدت استجابة بعد الدعاء

ان تكتب تجربته لنستفيد منها وتعم الفائدة

بانتظار تفاعلكم واسال الله لي ولكم الاخلاص والاجر والمثوبه

ادعوا الله يفرج همي يسر أمري

ربي يفرج همج ياااربي … ويسهل علييج امووورج..

قبل فترة تقريبا من 6 شهور .. مريت بأزمة نفسية .. دموعي كانت على خدي ايام وايام .. ماقدر اوصف حالتي من شدة الحزن والهم اللي كنت فيه( من غير ما اذكر سبب حزني) المهم يلست ومسكت السبحة وكنت اردد :
لا اله الا انت سبحانك اني كنت من الظالمين
لا حول ولا قوة الا بالله
صلى الله عليه وسلم
فوق الالف مرة .. واللي ساعدني على كثرة الذكر عندي مسباح فيه 500 حبه ..
المهم شويه وراح عني الضيق والحزن .. والله العظيم اني ما ابالغ.. حسيت بعدها براحة وطمأنينة.. وقلت اكيد اللي صار فيه خير لي ..
الشي اللي كان مضايقني مثل ما هو ما تغير بس ذكر الله هو غير حياتي" الا بذكر الله تطمئن القلوب"
ومن وقتها لهذا اليوم ذكر الله دايما على لساني.. وعارفة ان الله بيجبر خاطري قريب ..وبذكركم
الحين زدت على الكلام والذكر اللي فوق:
سبحان الله والحمدلله ولا اله الا الله والله اكبر
حسبي الله ونعم الوكيل .. حسبي الله ونعم الوكيل لما اهمني ..
الاستغفااااااااااار
سبحان الله وبحمده سبحان الله العظيم
والحمدلله بفضل الذكر احس برااااحة وطمأنينه ..
هذي تجربتي باختصار
واي سؤال انا حاضرة

يزاج الله خير على النصيحه

الله يفرج همنا يارب عاجلا وليس اجلا

امين امين امين