،
نفس ماهو واضح من العنوان خبرونا تجاربكم وآراؤكم مع شركات الطيران
مثلا { شو الإيجابيات والسلبيات الي واجهتيها اثناء السفر }
شو تقييمج ؟ من 10 مع ذكر السبب
الموضوع للإستفادة والصيف قرب، بس لا تنسوووون !
[ ذكر جميع شركات الطيران الي جربتيها ]
سواء محلية أو غيره، مثال:
عندج شركات طيران:
– الاتحاد
– الامارات
– القطري
– فلاي دبي [ شركة طيران محلية واقتصادية ]
– عمان
– سريلانكا
– بريتش
– سنغفورة
– تايلند [ Thai Airways ]
– كاثاي باسيفيك [ شركة طيران محلية لـ هونغ كونغ ]
والي عندها تزيدنا
ويرجى عزيزاتي ذكر الكلاس: economy – business – first class > من خلال تجربتج !
نبا حمااااااس 
اند ويلكم 
.
وبالنسبة للمرجان السياحية أعطيها 8 من عشر ما اقصد الخدمات اقصد الكراسي تضايقت منها حيل
،،، نوعا ما للسفرات الطويلة ما انصح تاخذون المرجان و خاصة بوجود اطفال او الي تصاب بشكل دائم بالصداع النصفي لانه تعب
يعني ما تنفع للي تكون رحلاتهم لأكثر من اربع ساعات وايدين يمدحونه بس انا أعطيه سبع من عشر ،،،
– تايلند [ Thai Airways ] الصراحة لا باس روعة للرحلات الداخلية لاني استخدمناها للرحلات داخل تايلاند أعطيها ثمان من عشر
– الماليزية اخذنا للرحلات السياحية ما اتذكر اسم الطيران بس معاملتهم حلوة أعطيها ثمان من عشر
فديت طلتج ياربي في كل مواضيعي ، ماقصرتي حبيبتي
وأنا معاج في الراااي ، طيران الاتحاد يعيبني وايد لكن
الدرجة السياحية ما انصح فيها ابدا كراسيها ضيقة ، يوم
رحت العمرة هلكنا وفالردة حولنا عالامارات طراز A380
وكانت رحلة هادية وممتعة الصراحة ، وبالنسبة لي اعطيهم 10/10
من ناحية الخدمات بس اذنية وااايد عورتني بسبة الضغط ماعرف كيف
كان الكابتن يسوق بس الاتحاد ماكان يعورني وايد !
حياكن في الموضوع !
عندج درجة رجال الاعمال جدا ممتازة
من ناحية الخدمات اعطيها 10/10
المشاركة الأصلية كتبت بواسطة شما الهاجري 
عندج درجة رجال الاعمال جدا ممتازة
من ناحية الخدمات اعطيها 10/10
تسلمين غاليتي ، لطرح تجربتج
وايد يمدحون خدماتهم خصوصا الاجانب 
استخدمتها لسفرتي للكويت والكراسي ضيجة و حتى الممر فالطيارة ضيج ..
بس شفته عادي دام سفرتي كانت تقريبا مدتها ساعتين ..
و الحمدلله ما واجهتني اية مشكلة معاهم ..
الطيران التايلاندي ..
زين .. الكراسي مريحة نوعا ما .. والاكل ما حبيته .. لان اغلبه يكون تايلندي مب انترناشيونال .. وانا ماحب الاكل التايلندي ..
الطيران السعودي ..
لازم في كل سفرة اعاني معاهم ..
مرة يلسونا فالطيارة و تحركت بعد ساعه و 45 دقيقه ..
ومرة موزعين الارقام مكررة .. و صارت لخبطة و ضرابه فالطيارة ..
ومرة المضيف كان وقح مع حرمة عيوز و ريلي تضارب معاه وعصب عليه بس عشان ريلي ما يشتكي عليهم قالوا له تعال ايلس في درجة رجال الاعمال ..
ومرة نسوا شنطتي في مطار جدة و القهر كان فيها اغراض الزهبه للعرس .. و تميت 3 اسابيع وراهم لين طرشوا لي الشنطة ..
يعني لاحظت مشاكلهم وايد ..
طيران الامارات
حبيب الكل يكفي انه عندهم احلى مهلبيه كلتها ههههههههههههه ..
الحمدلله كل سفراتي تكون مريحة و الطاقم يكون بشوش و متعاونين ..
بس انقهرت مرة وانا راده من تركيا ما طاعوا ادخل شنطتي لان وزنها فوق ال30 بكم كيلوو واضطريت اخذ شنطة ثانيه ..
و عادة يجمعون الاوزان مع بعض .. و تاخرنا عليهم لين طلعت الاغراض وكانت بطير عنا الطيارة ..