تجاربكن ف الولاده الثانيه 2024.

صباح او مساء الخير ياحلواااات

الغاليات ابي اشوف تجاربكن ف الولاده الثانيه

يروح الكرش؟
والرحم وكل شي هل يرجع نفس قبل؟
واللي استخدمت شي معين تخبرنا
والسموحه حبايبي ^^

انا جربت البيبي الاول بس .. الله يرزقني بالثاني بكتب تجربتي .. وان شالله خير ..

كل بيبي بيطلعلج كرش اكبر من اللي قبله لا تقوليلي رياضه هذا جلد يتمدد مب عضله بس اهم شي بعد الولاده اهتمي في الاكل عشان ما يكون بطنج كبير وايد ابتعدي عن الاكل في الاربعين اكلي الصح وخلي سوالف الامهات انه ياكلون الوحده وايد لانه هالفتره مصيريه وتكون العضله متمدده اصلا والرضاعه بعد ترد الرحم

عادي لا اتحاتين الولادة الثانية مثل الاولى اذا كانت الفترة بعيدة من بينهم… ان شاء الله ما بتكرشين بس المهم تربطين بطنج على طول بشيلة البيت او المشد الاندونيسي او حتى بغترة ريلج عشان البطن ما يمتزر هواء وينتفخ واهم شي ما تمشين حافية ع السيراميك ابدا وايد يضر الرحم … وخليج حريصة ع الرضاعة الطبيعية وخلال 6 شهور ان شاءالله بتحسين بالفرق وايد… الله يسهل عليج ولادتج ويرزقج الذرية الصالحة يارب.

انا الحمد لله رد وزني واقل بعد من ما كنت بنية
والحمدلله الكل كان ينصدم اني ام اثنين
هذا كله بسبة شرب الماي
الامتناع عن المشروبات الغازية
كنت اكل كل شي احبه بس باعتدال وافضل انه يكون لو فات (شرات الحليب والجبن وغيره)
بس للاسف ما كنت امارس الرياضة
عشان جي جسمي كان مترهل

بس ان شاء الله بهالحمل ارد نفس الوزن اللي قبل
وبرياضة بعد

وبهالحمل اكتشفت منتجات ليراك
غالية شوي لكن راااااااااىعة

انا في الأربعين ريجييييم ابتعد عن الدهون وكله اكل سلطات وعصاير وماي ومن غير البروتينات طبعا ربطت بطني بالمشد بعد مامسحتني حرمه طبعا وما طلعت من الأربعين الا ولله الحمد مخوزتنها الكرشه وعقب الولاده اشتركي في نادي عشان اللياقة البدنية والحمد الله ها حملي الثالث وأحس جني اول مره حتى شكل بطني طبعا بسبب الاهتمام بعد كل حمله ولله الحمد

اختي ان شاء الله
بارك الله فيج