اشحالكم عساكم بخير طبعا أغلبنا نعاني من مشاكل في البشره بس هالمره ما راح نتكلم عن البثور والحبوب والحفر بتكلم عن مشكله أغلبنا يعاني منها او راح يعاني منها لأي سبب من الأسباب وهي شحوب الوجه وقله النضارهوالحيويه وعدم توحد لون البشره والا لو بشرتنا بخير ما كنا نحط كريم الاساس وخطوط البشره من ضحك او الخطوط الرفيعه اللي تحتاج كولاجين وغيره بنات أنا مرات أشوف بشرتي ما شاء الله اقوول هاي أنا معقوله ومرات استغفر الله ا اقول شو هالشحوب وهالاصفرار وهالسواد اللي عن خطوط الضحك او عن الشفايف فقررت أناقش هالموضوع وهل الكولاجين يوحد اللون وشو تجاربكم فيها كل وحده تخبرنا بالجلسات اللي سوتها في المراكز وشو نوعها وأي مركز وكم كلفتها الجلسات وكم جلسه وشو النتائج واذا ما جربيتي جلسات شو الكريمات اللي جربتيها للنضاره وهل استفدتي منها أنا بخبركم تجاربي جربت كريم من شانيل للنضاره ما فادني بشي بالعكس دهنت بشرتي واليد جربت اولاي كله كلام فاضي وضيعو وقتي جربت منتجات روبن ما فاد بشي جربت لوريال تغيير مؤقت يروح يوم اوقفه اخر شي جربته كان كريم من دكتور نيوترشن ما خرب بشرتي ولا قادها قلت اسأل مجرب ولا اسأل طبيب بس خاطري في مركز يسوون لي جلسات لنضاره البشره بس ما اعرف وين ارووح شوروا علي وخلونا نفيد ونستفيد وجزاكم الله خير
انا مثلج ابغى شي يعطي نظارة للبشرة لان بشرتي تعبانة وفاقدة النظارة والحيوية
سمعت عن ابرة النظارة وسألت عنها الدكتور قال انها يستمر مفعولها ٣ اسابيع فقط
وعادة الناس ياخذوها قبل المناسبات
اذا عندكم كريم معين للأستخدام اليومي من اي ماركة افيدونا
موفقين جميعا
اذا حابه تسوين ابر نضاره للوجه أنصحج تسوينها في عياده جلديه وابتعدي عن شغل الصالونات
العياده ادواتها معقمه والمواد طبيه وأصليه
المهم تكون عياده معروفه وزينه لاتتأثرين بالاعلانات شوفي تجارب اللي مجربين هالعياده
من صوبي بقولج جربي كل يوم برتقالتين + حبتين فلفل بارد أو حبتين كيوي
المشاركة الأصلية كتبت بواسطة اطهار 
انا مثلج ابغى شي يعطي نظارة للبشرة لان بشرتي تعبانة وفاقدة النظارة والحيوية
سمعت عن ابرة النظارة وسألت عنها الدكتور قال انها يستمر مفعولها 3 اسابيع فقط
وعادة الناس ياخذوها قبل المناسبات
اذا عندكم كريم معين للأستخدام اليومي من اي ماركة افيدونا
موفقين جميعا
تسلمين اختي على الدعوه بالنسبه للابره قلتي مفعولها مؤقت وانا ما ابي مؤقت شو الفايده ومشكور
المشاركة الأصلية كتبت بواسطة mischocolat اذا حابه تسوين ابر نضاره للوجه أنصحج تسوينها في عياده جلديه وابتعدي عن شغل الصالونات
العياده ادواتها معقمه والمواد طبيه وأصليه
المهم تكون عياده معروفه وزينه لاتتأثرين بالاعلانات شوفي تجارب اللي مجربين هالعياده
من صوبي بقولج جربي كل يوم برتقالتين + حبتين فلفل بارد أو حبتين كيوي
أكيد هالاشياء لازم تكون في عيادات طبيه
بالنسبه للوصفه اختي اكل برتقالتين وفلفل والا احطها على ويهي ومشكوره