عزيزاتي الأمهات المربيات الفاضلات وددت أن أطرح موضوعي هذا لكي تعم الفائدة على الجميع ولكي نصحح مسار الكثير من الأمهات اللاتي لم يدركن مدى أهمية المعاملة الحسنة والمفيدة مع الأطفال الذين هم روح المجتمع وبناته في المستقبل (ابني طفلا تنتج مجتمعا )
الآن نريد من جميع الأمهات أن يتكرمن بطرح تجاربهن مع أبنائهن في كيفية المعاملة سواء كانت سلبية أم ايجابية وكذلك نود من الأم الفاضلة أن تذكر لنا نتائج هذه المعاملة على أبناءها
هل أثرت على شخصية طفلك سلبا أم ايجابا؟
وإن كنت عاملتي طفلك بطريقة سيئة وأهملتيه مع الخادمة هل صححتي مسار تربيتك أو هل فكرتي في التغيير ؟ كذلك نريد منك أن تطرحي لنا كيف تحاورين وتتحدثين مع طفلك ؟
هنا ومن تجاربكن سنستفيد بإذن الله ومن أصبح ابنها مبدع ومتفوق وبارع في مجال معين يرجى أن تذكر لنا لتعم الفائدة وليكون حافزا لجميع الأمهات وجزاكن الله كل الخير ودمتن ذخرا لأطفالكن
انا توني مربيه وعندي طفل واحد بس كنت اشوف اطفال العايلة وكيف تصرفاتهم بصراحة في منها سلبي و في ايجابي
العيلة الاولى : عندها ثلاث اولاد هي انسانه محترمـه و مربيه عيالها احسن تربيه يعني مب من عيال هالايام مزعجين و يفشلون عند الزيارات الاهالي او حتى الغرب بس في شي اكتشفت انه هي تعصب ع عيالها وايد لدرجة ان ولدها الكبير كله يقرض اظافرة ولدها الوسط يتأتئ في الرمسه والاخير جريئ و عنيد
بس لما تقولهم لا بمعنى لا ما يراددونها الا الصغير ممكن يتوسل لها بس عشان ياخذ الشي اللي يباه
( لانه الام عنيده واللي براسها لازم يستوي وكله تصارخ )
العيلة الثانيـة لقيت اولادهم شياطين في اللعب و عادي يكسرون اي شي بس يحبون لمة الاهالي ودوم يالسين ويانا ( الام هاديـة و حكيمة ووايد اجتماعيه تحب تلم عيالها حذالها عشان يتعرفون و يعرفون العوايل الثانية والاب نفس الشي بس حشري و حركي )
العيلة الثالثة الام لامه عيالها بس الاب وينه ما يعرف شي وما يبا يهتم بشي والسلبيات يدوخون مدواخ ( اكبرهم عمره 18) رمستهم مكسرة يحبون اللمه ودوم من يعرفون اننا اعندهم ايون عندنا بس عشان اللمه والسوالف
الفروقات في التربية ببينتلي أسباب ابتعاد الاطفال من الوالدين اول شي العناد ثاني شي الاهمال في مراقبتهم و ثالث شي ابتعاد احد الوالدين سبب في فقدان الثقة وفقدان الحنان والنسيان عن طريف الدخان
انا ولدي عمرة 5 شهور اسولف وياه اكلمه برمستنا العادية بس باسلوب الاطفال ما اعانده ودوم من ابوه يوصل البيت اخلي عنده عشان يحس بوجوده وان شاء اتوفق و اخليه ولد صالح
عندي مشكله وحده بس انا اشتغل، مرات ارد البيت الاقي ولدي في حضن الخدامه هالشي وايد مضايقني و انا عايشه مع عيله هم اللي طلبو مني اخلي الولد عندهم لما اسير الدوام ( وانا كنت ابا اخليه عند امي ) مرات خالتي ما تكون في البيت شو اسوي اخاف اتكلم يتحسسون اني انا ابا اسوي مشكله عشان الولد ما يكون عندهم
المشاركة الأصلية كتبت بواسطة yamamh 
انا توني مربيه وعندي طفل واحد بس كنت اشوف اطفال العايلة وكيف تصرفاتهم بصراحة في منها سلبي و في ايجابي
العيلة الاولى : عندها ثلاث اولاد هي انسانه محترمـه و مربيه عيالها احسن تربيه يعني مب من عيال هالايام مزعجين و يفشلون عند الزيارات الاهالي او حتى الغرب بس في شي اكتشفت انه هي تعصب ع عيالها وايد لدرجة ان ولدها الكبير كله يقرض اظافرة ولدها الوسط يتأتئ في الرمسه والاخير جريئ و عنيد
بس لما تقولهم لا بمعنى لا ما يراددونها الا الصغير ممكن يتوسل لها بس عشان ياخذ الشي اللي يباه
( لانه الام عنيده واللي براسها لازم يستوي وكله تصارخ )
العيلة الثانيـة لقيت اولادهم شياطين في اللعب و عادي يكسرون اي شي بس يحبون لمة الاهالي ودوم يالسين ويانا ( الام هاديـة و حكيمة ووايد اجتماعيه تحب تلم عيالها حذالها عشان يتعرفون و يعرفون العوايل الثانية والاب نفس الشي بس حشري و حركي )
العيلة الثالثة الام لامه عيالها بس الاب وينه ما يعرف شي وما يبا يهتم بشي والسلبيات يدوخون مدواخ ( اكبرهم عمره 18) رمستهم مكسرة يحبون اللمه ودوم من يعرفون اننا اعندهم ايون عندنا بس عشان اللمه والسوالف
الفروقات في التربية ببينتلي أسباب ابتعاد الاطفال من الوالدين اول شي العناد ثاني شي الاهمال في مراقبتهم و ثالث شي ابتعاد احد الوالدين سبب في فقدان الثقة وفقدان الحنان والنسيان عن طريف الدخان
انا ولدي عمرة 5 شهور اسولف وياه اكلمه برمستنا العادية بس باسلوب الاطفال ما اعانده ودوم من ابوه يوصل البيت اخلي عنده عشان يحس بوجوده وان شاء اتوفق و اخليه ولد صالح
عندي مشكله وحده بس انا اشتغل، مرات ارد البيت الاقي ولدي في حضن الخدامه هالشي وايد مضايقني و انا عايشه مع عيله هم اللي طلبو مني اخلي الولد عندهم لما اسير الدوام ( وانا كنت ابا اخليه عند امي ) مرات خالتي ما تكون في البيت شو اسوي اخاف اتكلم يتحسسون اني انا ابا اسوي مشكله عشان الولد ما يكون عندهم
مشكورة أختي ع المرور وإن شاء الله الأمهات يستفيدون من تجربتج لأنج طرحتي أمثلة تبين جوانب النقص في كل عائلة وكيف لازم تكون جميع الأسس متكاملة حتى ينشأ الأطفال أسوياء سلوكيا وأخلاقيا وفكريا
وبالنسبة لطفلج مب مشكلة إذا كان فترة بسيطة يقعد مع الخدامة أهم شي التعويض يكون من عندج بعد وصولج للبيت مباشرة بالحب بالحنان تلعبين وياه دايما إذا رمستيه رمسيه وكأنه كبير يعني بقمة اللباقة والأدب تغذيته لازم تكون بايدج لأن هذا قمة الحنان ودايما كوني هادية ومبتسمة في وجهه والله يقوي الجميع على تربية عيالهم ولاتنسي تشغلين له القرآن دايما في الغرفة هذا يساعد وايد وعلى فكرة ينشط خلايا الذاكرة
أحس هالشي يخلي البنت أو الولد قريب من أمه وأبوه ولو عنده موضوع أو مشكلة على طول بقولهم…
أنا ولدي عمره سنتين وما شاء الله عليه…روحه أيي يبوسني بدون سبب…
الاولية مرحة وما ترد على عيالها إلا نادراً وعيالها يلطعون قرون للواحد وما يسمعون كلام امهم ولا كلام احد
الثانية عصبية وااااايد وعيالها هاديين وما يخصهم باحد وشخصيتهم ضعيفة
انا عن نفسي كنت عصبية واايد مع بنتي وما كانت متعلقه فيني لما قمت اكلمها بالهداوه قامت تميل لي وتسولف وبنتي عمرها سنتين
المشاركة الأصلية كتبت بواسطة أم عبير.. الاولية مرحة وما ترد على عيالها إلا نادراً وعيالها يلطعون قرون للواحد وما يسمعون كلام امهم ولا كلام احد
الثانية عصبية وااااايد وعيالها هاديين وما يخصهم باحد وشخصيتهم ضعيفة
انا عن نفسي كنت عصبية واايد مع بنتي وما كانت متعلقه فيني لما قمت اكلمها بالهداوه قامت تميل لي وتسولف وبنتي عمرها سنتين
شفتي لما غيرتي معاملتج كان الرد ايجابي من ناحية البنت
مشكورة وننتظر الباقيات حتى الكل يستفيد
نصيحة ياأمهات ترى مب بين يوم وليلة بتلاحظين التغيير وتقولين ملل لا مايفيد وياهم إلا العين الحمرا لا كل شي بالتدريج ومحتاج صبر اصبري ياأم اصبري