هلا خواتي شحالكم انا من زمان كان خاطري اكتبلكم عن مشكلتي بس الحمدالله ويهكم خير علي اليوم يايه اكتب لكم وانحلت مشكلتي
انا متزوجه من 8 شهور وماحملت مارحت افحص هالشهر ف يوم من الايام بعد الجماع يالي عوار وحرقه تحت مارمت اتحمل رحت المستشفى عند دكتوره نسائيه سويت تحليل دم والله يعزكم بول بعدها الدكتوره قالت فيه التهاب حاد والتهاب الله يعزكم فالبول وعقب سويت سونار قالتلي المبايض عندج خامله وصغيره تعالي عندي اول يوم الدوره وطلع عندي فقر دم قالتلي لازم تعدلين دمج عقب وتحملين فهمتني اني صعب احمل وعطتني مضادات اربع حبات فاليوم وثلاث تحميلات انا رحتلها يوم الاربعاء 10/3 وخذت المضادات والتحميلات يعني ماخلصت علاجي ودورتي كانت لازم تنزل تاريخ 13/3 اتاخرت علي قمت احاتي من شو قالولي من المضاد عادي انا شكيت خفت قلت بسوي تحليل فالبيت ريلي رد من الدوام الفير واصريت امر الصيدليه اخذلي التحليل وفعلا سويت وطلعلي موجب واااااضح اهني انا تخبلت شكيت في شي غلط ماصدقت ريلي قالي من كم يوم مسويه تحليل مافي شي تخيلوا مارقدنا اترينا الين مايطلع الصبح ورحت حللت وفعلا الحمدالله الحمدالله انا حامل من 3 اسابيع …..
سوالي الله يخليكم فيدوني انا الحين فيه الالتهابات لدرجه مااقدر اجامع ريلي مااروم من العوار كيف اعالجها واذا عالجتها مابياثر عالجنين فيدوني الله يخليكم
وياااااارب يرزق كل محرومه الذريه الصالحه ويتمم لي حملي ادعولي يابنات
والسموحه طولت عليكم
فنصيحة بأسرع وقت روحي لاتحاتي في تحاميل خاصة للالتهابات وانتي حامل
ونشاء الله الحوامل الثانيات يفيدنج
لأني بجر وما اعرف شيء
عن هذي الأعراض..^^"
اذا التهاب في البول تحملي لان الالتهاب يسوي نزيف عقب ..
اما اذا التهابات عاديه مع حكه شديده وحرقه …<< انا صارت عندي وانا بالشهر الخامس
وسرت حق دكتورتي ووصفت لي 3 تحاميل بس انا خفت استخدمها ><
رحت الصيدليه وشريت غسول سيباميد واتغسل منه يوم اتسبح وبعد الجماع بماي دافي وشريت لي 2 فوط
صغار من القطن عشااان اجفف المنطقه من الماي كل ما ادش الحمام لااااااااازم اتجفف بالفوط, واغسلها بالديتول يوميا عشان تمووت البكتيريا ..
و الحمدالله استمريت شهر و الحينه ماشي ^^